ޔުއެފާ ޗެމްޕިއަންސްލީގް؛ ނަޕޯލީ އަތުން އާސެނަލަށް އުނދަގޫ މޮޅެއް

ޔުއެފާ ޗެމްޕިއަންސްލީގްގައި އާސެނަލް އާއި ނަޕޯލީ ބައްދަލުކުރިމެޗް އާސެނަލް ކާމިޔާބުކޮށް މުބާރާތުގެ ފެށުން ރަނގަޅުކޮށްފިއެވެ.

އިޓަލީގައި ކުޅުނު މިމެޗް ނަޕޯލީގެ މައްޗަށް އެޓީމް ކުރި ހޯދީ 1-0 ގެ ނަތީޖާއަކުންނެވެ. މެޗްގައި އާސެނަލްއަށް ވަނީ ލަނޑުޖަހާނެ ގިނަ ފުރުސަތުތަކެއ ްލިބިގެންގޮސްފައެވެ. މީގެ ތެރެއިން ބައެއް ހަމަލާތައް އަމާޒުވީ ގޯލް ދަނޑިއާއެވެ.

އާސެނަލް އިން މި މެޗުގައި ޖުމްލަ 26 ހަމަލާ އަމާޒުކުރިއިރު، ޗެމްޕިއަންސް ލީގުގެ މެޗެއްގައި އާސެނަލުން މިހާތަނަށް އެންމެ ގިނަ ހަމަލާ އުފެއްދި ފަހަރެވެ. މެޗުގެ ފުރަތަމަ ހާފުގައި މިކޭލް މެރީނޯ އާއި ބުކާޔޯ ސާކާ އަށް ލިބުނު ރަނގަޅު ފުރުސަތުތައް ބޭކާރުވިއިރު، ދެވަނަ ހާފުގައި ޕިއެރޯ ހިންކަޕިއޭ އަށް ގޯލާ ދާދި ގާތުން ލިބުނު ފުރުސަތު ވެސް ވަނީ ނާކާމިޔާބުވެފައެވެ.

މެޗްގައި އާސެނަލުން ލަނޑު ޖަހާފައިވަނީ ބަދަލު ކުޅުންތެރިއެއްގެ ގޮތުގައި ކުޅެން އެރި ކްރިސްޓޯސް ޓްޒޮލިސް 75 ވަނަ މިނެޓް ތެރޭގައި ތަނަވަސްކޮށްދިން ފުރުސަތެއްގައި  މާޓިން އޮޑެގާޑެވެ. މިއީ މި ސީޒަނުގައި އޮޑެގާޑުގެ ހަތަރުވަނަ ލަނޑެވެ. މެޗުގެ ފަހު މިނެޓުތަކުގައި ނަޕޯލީގެ ކެވިން ޑި ބްރޭނާ އަށް ނަތީޖާ ބަދަލުކޮށްލާނެ ރަނގަޅު ފުރުސަތެއް ވަނީ ލިބިގެންގޮސްފައެވެ.

ޔުއެފާ ޗެމްޕިއަންސްލީގްގައި ރޭ ލިވަޕޫލާއި އެތްލެޓިކޯ މެޑްރިޑް ބައްދަލުކުރި މެޗް 2-1 ގެ ނަތީޖާއިން ކާމިޔާބުކުރީ ލިވަޕޫލެވެ.