ކުޑަގިރީގައި ކެފޭ ހިންގަން ޝައުގުވެރިވާ ފަރާތްތަކަަށް ފުރުސަތު ހުޅުވާލައިފި!

ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ކުޑަގިރީގައި ކެފޭއެއް ހިންގުމަށް ޔުނިޓެއް ކުއްޔަށް ދިނުމަށް އިޢުލާންކޮށްފިއެވެ. އެގޮތުން ދޫކުރަން ހަމަޖެހިފައުވާ ޔުނިޓަކީ، މި ޔުނިޓަކީ 1541.71 އަކަފޫޓުގެ ބޮޑުމިނުގެ ޔުނިޓެކެވެ.

އެޗްޑީސީން މިއަދު ނެރުނު އިޢުލާނުގައި ބުނެފައިވާ ގޮތުން، މި ޕްރޮޖެކްޓަށް ޝައުޤުވެރިވާ ފަރާތްތަކުން 2025 ވަނަ އަހަރުގެ މެއި މަހުގެ 13 ވަނަ ދުވަހުގެ 14:00 ގެ ކުރިން ޕްރޮޕޯސަލް ހުށަހަޅަންވާނެއެވެ.

އަދި ޕްރޮޕޯސަލްއާއެކު ބިޑް ސެކިއުރިޓީއެއް ހުށަހަޅަންޖެހޭނެ ކަމަށްވެސް އިޢުލާނުގައި ބަޔާންކޮށްފައިވެއެވެ.

ޕްރޮޕޯސަލްތައް ހުޅުވުމަށް ހަމަޖެހިފައިވަނީ 13 މެއި ވާ ދުވަހުގެ 14:00 ގައި އެޗްޑީސީގެ އެގްޒިބިޝަން ސެންޓަރުގައި ކަމަށްވެސް ބުނެފައުވެއެވެ.

މި ޕްރޮޖެކްޓާ ގުޅޭ އިތުރު މަޢުލޫމާތު އެޗްޑީސީގެ ވެބްސައިޓް www.hdc.mv އަދި properties.hdc.mv އިން ލިބެން ހުންނާނެ ކަމަށް އިޢުލާނުގައި ބުނެފައިވެއެވެ. އަދި މި މަޢުލޫމާތު ހޯދުމަކީ ޕްރޮޕޯސަލް ހުށަހަޅާ ފަރާތްތަކުގެ ޒިންމާއެއް ކަމަށްވެސް އެޗްޑީސީން ބުނެފައިވެއެވެ.