ޝީޝާ މަނާކޮށް، ދޯބުރާލި ހަކުރަށްދޭ ސަބްސިޑީ ކަނޑާލަނީ
ލިޔުންތެރިޔާ
އަބްދުﷲ ހުސައިން
ޝީޝާ މަނާކޮށް ދޯބުރާލި ހަކުރަށް ދެމުން އަންނަ ސަބްސިދީ ކަނޑާލުމަށް މަޝްވަރާތަކެއް ކުރެވެމުން އަންނަކަމަށް ސިއްހަތާ ބެހޭ ވަޒީރު ޢަބްދުﷲ ނާޒިމް ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ހެލްތު މިނިސްޓަރު ނާޒިމް މިއަދު ވިދާޅުވީ، އާއްމު ސިއްހަތުގެ ރައްކާތެރިކަން ކަށަވަރުކުރުމަށް ސަރުކާރުން ވަރަށްގިނަ ފިޔަވަޅުތައް އަޅުއްވަމުން އަންނަކަމަށެވެ. މިގޮތުން ކުރެވުނު އެންމެ މުހިންމު މަސައްކަތެއްގެ ގޮތުން ވޭޕްމަނާ ކުރުމާއި ޖެނެރޭޝަނަލް ބޭން މިނިސްޓަރު ފާހަގަކުރެއްވިއެވެ.
މީގެ އިތުރުން ނޫސްވެރިއަކު ކުރި ސުވާލަކަށް ޖަވާބުދެއްވަމުން މިނިސްޓަރު ވިދާޅުވީ، ޝީޝާ މަނާކުރުމާއި ހަކުރަށް ދެމުން އަންނަ ސަބްސިޑީ ކަނޑާލުމާއި ހަކުރުގެ ބާވަތްތަކުން ނަގާ ޓެކްސްތައް އިތުރުކުރުންފަދަ ކަންކަމުގައި މަޝްވަރާތައް މިހާރުވެސް ކުރިއަށްދާކަމަށެވެ.
މިފަދަ ކަންކަން ގެންދާއިރު ވަރަށް މުހިއްމު ކަމެއް އެއީ، ވަކި އުސޫލެއްގެ ތެރެއިން ނިޒާމެއްގެ ތެރެއިން ރައްޔިތުންގެ ދިރިއުޅުމަށް ވަރަށް ބޮޑު ބަދަލުތަކާ ވަރަށް ބޮޑަށް ގުޅި އެއާ އެކު އުޅެފައި ހުރި ކަމަކަށް ވާތީވެ ވަކި އުސޫލެއްގެ ތެރެއިން ގެންދިއުން
މިނިސްޓަރު ޢަބްދުﷲ ނާޒިމް
މިނިސްޓަރު ވިދާޅުވީ ޝީޝާ މަނާކުރުމާއި ހަކުރަށް ދެމުންއަންނަ ސަބްސިޑީ ަނދާލުމުގެ ވާހަކަތައް އެކި ލެވެލްތަކުގައި މަޝްވަރާ ކުރެވެމުން އަންނައިރު، މިކަންކަމަށް މިމަގުން ހައްލު ނާންނާނޭކަމަށް ދެކެވަޑައި ނުގަންނަވާކަމަށެވެ. ނާޒިމް ވިދާޅުވީ އެންމެ މުހިންމީ އާއްމު ސިއްހަތުގެ ކަންކަމަށް ރައްޔިތުން އަހުލުވެރިކޮށް ހޭލުންތެރިކުރުން ކަމަށާއި، އެ ކަންކަންވެސް އަދި ތަންފީޒުވެގެން ދާނޭކަމަށެވެ.
ޝީޝާ މަނާކޮށް އަދި ދިވެހިން އާއްމުކޮށް ކެއިން ބުއިމުގައި ބޭނުންކުރާ ހަކުރަށް ދެމުން އަންނަ ސަބްސިދީ ކަނޑާލުމަށް އެކި ލެވެލްތަކުގައި މަޝްވަރާތައް ކުރިއަށްދާއިރު، އާއްމު ސިއްހަތުގެ ރައްކާތެރިކަން ކަށަވަރުކުރުމަށް ސަރުކާރުން ދަނީ ގިނަ މަސައްކަތްތަކެއް ކުރަމުންނެވެ. މިގޮތުން މިހާތަނަށް ކުރި އެންމެ މުހިންމު މަސައްކަތެއްގެ ގޮތުގައި ފާހަގަކުރެވިގެން ގޮސްފައިވަނީ ޖެނަރޭޝަނަލް ބޭން ތަންފީޒުކޮށް، 2007 ވަނަ އަހަރުގެ ޖެނުއަރީ އެކަކުން ފެށިގެން އުފަންވެފައިވާ އަދި އުފަންވާ ކުދިންނަށް ދުންފަތް މަނާކުރުމެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
