ޔޫއޭއީގައި ހަކުރު އެކުލެވޭ ބާވަތްތަކުން ޓެކްސް ނަގަން ފަށަނީ
ޔޫއޭއީގައި އަންނަ އަހަރުން ފެށިގެން ހަކުރު އެކުލެވޭ ބުއިންތަކުން ހާއްސަ ޓެކްސް އެއް ނެގުމަށް ތައްޔާރުވެއްޖެއެވެ.
މި ޓެކްސް ނެގުމުގެ ނިޒާމު ބަރޯސާވާނީ އެގައުމުން ކަނޑައަޅާފައިވާ 'ޓައިއަރޑް ވޮލިއުމެޓްރިކް މޮޑެލް' އަށެވެ. މި މޮޑެލްގެ ދަށުން ޓެކްސް ނަގަނީ އެ ބުއިމުގައި ހަކުރު އެކުލެވޭ މިންވަރުގެ ތެރެއިން ކޮންމެ 100 މިލިލީޓަރަކަށް ވަކި ރޭޓަކުންނެވެ. ނަމަވެސް އަންނަ އަހަރުން ފެށިގެން ނަގަން ޓެކްސް ނަގާނީ ވަކި ރޭޓެއް ކަނޑައަޅައިގެންނެއް ނޫނެވެ. މި ޓެކްސް ނަގާނީ އެ ބުއިމުގައި އެކުލެވިފައި ހުންނަ ހަކުރުގެ މާއްދާތަކުގެ ބާވަތްތަކަށް ބިނާކޮށެވެ.
އެ ގައުމުގެ ފެޑެރަލް ޓެކްސް އޮތޯރިިޓީ އިން ހާމަކުރި ގޮތުގައި އަންނަ އަހަރު ޓެކްސްގެ މި ގަވައިދަށް އަމަލުކުރަން ފެށުމުން، ސައްހަ 'ޔޫއޭއީ ސެޓްފިކެޓް އޮފް ކޮންފޯމިޓީ' ގައި ނުހިމެނޭ ހުރިހާ ފޮނި ބުއިމެއް ހަކުރު ގިނަ ބުއިންތަކެއްގެ ގޮތުގައި ގިންތިކުރެވޭނެ އެވެ. އެހެންކަމުން އެ އިދާރާއިން ވަނީ މިފަދަ ބުއިންރައް އުފައްދާ، އެތެރެކުރާ، އަދި ވިއްކާ ހުރިހާ ވިޔަފާރިތަކުންވެސް އެ ބުއިންތަކުގައި ހަކުރުގެ ބާވަތްތައް އެކުލެވޭ މިންވަރު މިންކުރުމަށް އަންގާފައެވެ.
ޓެކްސް ގާނޫނުގެ ދަށުން ހަކުރު އެކުލެވޭ ހުރިހާ ބާވަތެއްގެ ބުއިންތަކާއި، ހަކުރުގެ ކޮންސެންޓްރޭޓް، ޕައުޑަރ، ޖެލް، އެކްސްޓްރެކްޓް ނުވަތަ ފޮނި ބުއިމަކަށް ބަދަލުކުރެވޭ ގޮތަކަށް އުފައްދާފައިވާ އުފެއްދުންތަކުން ވެސް ޓެކްސް ނަގަން ފެށުމަށް ވަނީ ނިންމާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
