މާލެ ޓެކްސީ؛ ހޮޓްލައިން އަކީ 1655
ސަރުކާރުން އަލަށް ތައާރަފު ކުރާ 'މާލެ ޓެކްސީ'ގެ ހޮޓްލައިން އަކީ 1655 ކަމުގައި ހަމަޖައްސައިފިއެވެ.
އެމް.ޓީ.ސީ.ސީއިން އެކްސްގައި ކުރި ޕޯސްޓެއްގައި ވަނީ 1655 އަކީ 'މާލެ ޓެކްސީ'ގެ ހޮޓްލައިން ކަމަށް ބުނެފައެވެ.
އެމް.ޓީ.ސީ.ސީއިން އެކްސްގައި 'މާލެ ޓެކްސީ'ގެ ހޮޓްލައިން އިއުލާން ކުރުން
މާލޭގައި ޓެކްސީތައް ހޯދުމުގައި ރައްޔިތުންނަށް ދިމާވާ ގޮންޖެހުންތަކަށް ހައްލެއް ގެނައުމުގެ ގޮތުން ސަރުކާރުން ވަނީ މިދިޔަ އަހަރު ޓެކްސީގެ ހިދުމަތް ތައާރަފު ކުރަން ނިންމާފައިވާކަން އިއުލާންކޮށްފައެވެ.
ސަރުކާރުން ގެންނަ ޓެކްސީތަކަކީ މުޅިން ކަރަންޓު ބޭނުން ކޮށްގެން ދުއްވާ އުޅަނދު ތަކެކެވެ.
އަދި މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން އިން ވަނީ ކަރަންޓު އުޅަނދުތަކުގައި ފެހި ކުލައިގެ ނަމްބަރު ބޯޑު ބޭނުންކުރާ ގޮތަށް ގާނޫނަށް އިސްލާހު ގެނައިސްފައެވެ.
'މާލެ ޓެކްސީ' ފެށުމަށް ފުރަތަމަ ހަމަޖެހިފައި އޮތީ ފިތްރު ޢީދު ފަށާ ދުވަހުގައެވެ. ނަމަވެސް މިހާރު ވަނީ އެ މުއްދަތު އޭޕްރިލް މަހަށް ބަދަލުކޮށް، ފަސްކޮށްފައެވެ. އަދި އެމް.ޓީ.ސީ.ސީއިން ދަނީ ޑްރައިވަރުން ހޯދުމަށްޓަކައި ވޯކް-އިން އިންޓަރވިއުތައް ބާއްވަން ނިންމައިފައެވެ.
އެހެން ޕްރައިވެޓް ޓެކްސީ އެޕްތަކެކޭ އެއްފަދައިން، އެމް.ޓީ.ސީ.ސީ ގެ ޚާއްސަ އެޕްލިކޭޝަނެއް މެދުވެރިކޮށް ޓެކްސީ ބުކް ކުރެވޭނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
