އަސާސީ ބޭސްތަކުގެ 80 އިންސައްތަ ބޭސްފިހާރަތަކުން ލިބެންޖެހޭގޮތަށް އުސޫލެއް
އަސާސީ ބޭހުގެ ގޮތުގައި ކަނޑައަޅާފައިވާ ބޭސްތަކުގެ 80 އިންސައްތަ ބޭސްފިހާރަތަކުން ލިބެންޖެހޭގޮތަށް އުސޫލެއް ކަނޑައަޅައި، އެކަން ތަންފީޒުކުރުމަށް މުހުލަތެއް ކަނޑައަޅައިފިއެވެ.
މޯލްޑިވްސް ފުޑް އެންޑް ޑްރަގް އޮތޯރިޓީ، އެމްއެފްޑިއޭއިން، މިއަދު އާއްމުކުރި އިއުލާނެއްގައި ވަނީ ފާމަސީތަކުގައި ބެހެއްޓުން ލާޒިމްކުރާ އަސާސީ ބޭހުގެ ލިސްޓް މުރާޖައާކޮށް ނިންމިކަމަށް ބުނެފައެވެ. އެމްއެފްޑީއޭއިން ބުނީ ރާއްޖޭގެ ސިއްހީ ނިޒާމުގެ ތެރެއިން ފޯރުކޮށްދޭންޖެހޭ އަސާސީ ބޭސްތައް، މެދުނުކެނޑި ލިބެން ހުްނނަކަން ކަށަވަރުކޮށްދިނުމަކީ އެ އިދާރާގެ ޒިންމާއެއްކަމަށެވެ.
އެގޮތުން ފާމަސީތަކުގައި ބެހެއްޓުމަށް ލާޒިމްކުރާ އަސާސީ ބޭހުގެ ލިސްޓް މުރާޖައާކޮށް ނިމިފައިވާއިރު، ހުރިހާ ފާމަސީއެއްގައިވެސް އެ ގްރޭޑަކަށް ކަނޑައެޅިފައިވާ ބޭހުގެ 80 އިންސައްތަ ބޭސް ލިބޭނޭ އިންތިޒާމް ހަމަޖައްސަން ޖެހޭނޭކަމަށް ވަނީ ބުނެފައެވެ. އެމްއެފްޑީއޭއިން ވަނީ ފާމަސީތައް ގިންތިކޮށްފައެވެ.
އެގޮތުން ގިންތިކުރެވިފައިވާ ގްރޭޑާއި އެއްގޮތަށް ހުރިހާ ބޭހެއް ކުރިއަށްއޮތް ހަމަސްދުވަހުގެ ތެރޭގައި ލިބޭނޭ އިންތިޒާމެއް ހަމަޖައްސަން ވާނޭކަމަށް އެމްއެފްޑީއޭއިން ވަނީ ބުނެފައެވެ. އަދި އަލަށް ހުޅުވާ ފާމަސީ ރަޖިސްޓަރ ކުރުމަށްފަހު ބޭސްވިއްކުމުގެ ހުއްދަ ދޫކުރާނީ އެ ގިންތިއެއްގެ ފާމަސީގައި ބަހައްޓަން ޖެހޭ ބޭސްތައް ހަމަކުރުމުންކަމަށް އެމްއެފްޑީއޭއިން ވަނީ ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
