ރައްޔިތުންގެ މަޖިލީހުގެ ރ.އަތޮޅުގެ ކުރީގެ މެންބަރު އިސްމާއިލް ޒަކަރިއްޔާ މިއަދު މެންދުރުފަހު ނިޔާވެއްޖެއެވެ.

އުމުރުފުޅުން 79 އަހަރުގައި އިސްމާއިލް ޒަކަރިއްޔާ ނިޔާވެފައިވަނީ ކޮވިޑް-19 ބައްޔަށް ފަރުވާ ހޯއްދަވަމުން ގެންދަވަނިކޮށް، ދަރުމަވަންތަ ހޮސްޕިޓަލުގައެވެ.

އިސްމާއިލް ޒަކަރިއްޔާއަކީ އެމްއެންޑީއެފްގެ ތަރުޖަމާނު މޭޖަރ އިބްރާހިމް އާޒިމް އަދި ކުރީގެ މަޝްހޫރު ފުޓްބޯޅަ ކުޅުންތެރިޔާ ޝާހް އިސްމާއިލްގެ ބައްޕާފުޅެވެ.

 އެބޭފުޅާ ވަނީ ރ.އަތޮޅުގެ މެންބަރުކަން ދެ ފަހަރެއްގެ މަތިން އަދާކުރައްވާފައެވެ.