މީހުން ދިރިއުޅޭ ގޭގެ ކޮޓަރި ކުއްޔަށް ދީގެން ސީދާ ގެއަށް ޑޮލަރު ލިބޭނެ ގޮތް ހެދުމަކީ އެމްޑީޕީގެ ތަޞައްވުރެއް ކަމުގައި އެ ޕާޓީގެ ޗެއާޕާސަން އަދި ރައްޔިތުން މަޖިލިހުގެ ހެންވޭރު ހުޅަނގު ދާއިރާގެ މެންބަރު ޙަސަން ލަޠީފު ވިދާޅުވެއްޖެއެވެ.

ޙަސަން ލަޠީފު މިފަދައިން ވިދާޅުވީ ދިރިއުޅޭ ގެއިން ނަފާ ނަމުގައި "ހޯމް ސްޓޭ" މަފުހޫމަށް ފަތުރުވެރިކަން ހިންގުމާ ގުޅޭ ގޮތުން ބާއްވާ ޚާއްޞަ ވޯކްޝޮޕަކާ ގުޅިގެން ކުރެއްވި ޓުވީޓެއްގައެވެ.

މި ވޯކްޝޮޕަކީ ހޯމްސްޓޭއާއި ގެސްޓު ހައުސް ވިޔަފާރިއާ ގުޅޭ މައުލޫމާތު ދިނުމަށް ބާއްވާ ޚާއްޞަ ވޯކްޝޮޕެކެވެ.

ހަސަން ލަތީފްގެ ޓްވީޓްގައި ވިދާޅުވީ، ހޯމްސްޓޭގެ މަފްހޫމް ތަޢާރަފްކޮށް، ދިރިއުޅޭ ގެއިން ނަފާ ލިބޭނެ ގޮތަށް ސީދާ ގެއަށް ޑޮލަރު ވައްދައިދޭ ޓުއަރިޒަމް ތަޢާރަފްކޮށް ފުޅާކުރުމަކީ އެމް.ޑީ.ޕީގެ ތަސައްވުރެއް ކަމުގައެވެ.