ގިނަ އަދަދެއްގެ ހިދުމަތްތައް ހިމެނޭ އީޒެޕުން އެ އެޕްލިކޭޝަން ބޭނުންކުރާ ޑްރައިވަރުންނާއި ކަސްޓަމަރުންނަށް އުމްރާ ދަތުރެއް ލިބޭ ޕްރޮމޯޝަނެއް ތައާރަފްކޮށްފިއެވެ.

އީޒެޕުން ބުނެފައުވާ ގޮތުން، މި ޕްރޮމޯޝަނުގެ ދަށުން އީޒެޕްގެ ކާރު/ޕިކަޕު އަދި ސައިކަލް ޑްރައިވަރުންނަށް ޖޫންމަހުގެ 24 ވަނަ ދުވަހުން ފެށިގެން އޮކްޓޯބަރ މަހުގެ 30 (2025) ވަނަ ދުވަހުގެ ނިޔަލަށް ނަގާ ކޮންމެ ދަތުރަކުންވެސް އުމްރާ ދަތުރެއް ހޯދުމުގެ ފުރުސަތު ހުޅުވާލާފައިވާ ކަމަށެވެ.

އެގޮތުން އުމްރާ ދަތުރުގެ ކެޓެގެރީ ތަކަކީ؛

* ކަސްޓަމަރ ކެޓެގެރީ

* ސައިކަލު ކެޓެގަރީ

*ކާރު/ޕިކަޕް ކެޓެގަރީ

އީޒެޕުން އިތުރަށް ބުނީ، މި ޕްރޮމޯޝަންގައި ޓެކްސީ ކޮށްދިނުމުގެ އިތުރުން އީޒެޕްގައި ހިމެނޭ ފިހާރަތަކުންނާއި ރެސްޓޯރަންޓްތަކުން ޑެލިވަރ ކޮށްދޭ ޕަބްލިކް ޑްރައިވަރުންނަށްވެސް ސައިކަލު ކެޓެގެރީއިން ބައިވެރި ވެވޭނެ ކަމަށެވެ. 

މި ޕްރޮމޯޝަން ފަރުމާ ކުރެވިފައިވަނީ، ގިނައިން ދަތުރު ނަގާ ނުވަތަ ޑެލިވަރީ ކުރާ ޑްރައިވަރުންނާއި، އަދި ދަތުރު ކުރާ ކަސްޓަމަރުންނަށް، އުމްރާ ދަތުރު ލިބުމުގެ ފުރުސަތު އިތުރުވެގެން ދާނެގޮތަށް ކަންވެސް އީޒެޕުން ފާހަގަކޮށްފައުވެއެވެ.

ކާރާއި ޕިކަޕް އަދި ސައިކަލް މެދުވެރިކޮށް ދަތުރުކުރާ ކަސްޓަމަރުންނަށްވެސް އުމްރާ ދަތުރެއް ހޯދުމުގެ ފުރުސަތު ލިބިގެންދާއިރު، އުމްރާ ދަތުރު ލިބޭ ކަސްޓަމަރެއް ކަނޑައަޅާނީ ކާރާއި ޕިކަޕް އަދި ސައިކަލްގައި އެ މުއްދަތުގެ ތެރޭގައި ދަތުރުކުރި ފަރާތްތަކުގެ ދަތުރުތައް އެއްކޮށްލުމަށްފަހު ނެގޭ ގުރުއަތަކުން ކަމަށް އީޒެޕުން ބުނެއެވެ.

އީޒެޕުން ބުނެފައިވާ ގޮތުން މި ޕްރޮމޯޝަނަކީ އީޒެޕުން މިބަގުތު ހިދްމަތް ދޭ ގްރޭޓާ މާލެ ސަރަހައްދުގެ އީޒެޕްގެ ޑްރައިވަރުންނާއި ކަސްޓަމަރުންނަށް ހުޅުވިފައިވާ ޕްރޮމޯޝަނެކެވެ.

މި ޕްރޮމޯޝަންގައި ބައިވެރިވާން ބޭނުންވާ ފަރާތްތަކުން ކަސްޓަމަރެއްނަމަ އީޒެޕް އެޕްލިކޭޝަން ޑައުންލޯޑު ކޮށް، އަދި ޑްރައިވަރުންނަމަ އީޒެޕް ޑްރައިވަރ އެޕްލިކޭޝަން ޑައުންލޯޑްކޮށްގެން ސައިނަޕް ވުމަށް އީޒެޕުން އިރުޝާދު ދެއެވެ. އަދި އީޒެޕްއުން ބުނެފައިވާ ގޮތުގައި އީޒެޕްގެ ޑްރައިވަރުނަށް، މި މުއްދަތުގެ ތެރޭގައި އެއްވެސް ފީއެއް ދައްކަން ނުޖެހޭނެކަމެވެ.

އީޒެޕް އެޕް ޑައުންލޯޑް ކުރުމަށް

އެންޑްރޮއިޑް: https://play.google.com/store/apps/details?id=com.eeezap.driver

އައިއޯއެސް: https://apps.apple.com/mv/app/eeezap-driver/id6738038803

ޕްރޮމޯޝަނާ ގުޅޭ އިތުރު މައުލޫމާތު ސާފު ކުރަން ބޭނުންވާނަމަ، 7560606  ނަމްބަރަށް ވަޓްސްއަޕް މެދުވެރިކޮށް މެސެޖްކޮށްލައިގެންއިންތިޒާމް ހަމަޖެހިގެންދާނޭކަމަށް އީޒެޕުން ބުނެއެވެ.

އީޒެޕް ޓީމުން ބުނީ މިފަދަ ފުރުސަތެއް ހުޅުވާލުމުން ކަސްޓަމަރުން ކުރާ މެސެޖްތައް އިތުރުވު އަދި ޓީމް ކުޑަވުމުގެ ސަބަބުން މެސެޖްތަކަށް ޖަވާބުދިނުމުގައި ލަސްތަކެއް ވެދާނެތީ އެކަމަށް ކުރިޔާލާ މާފަށް އެދޭކަމަށާއި އަދި މެސެޖް އަންނަ ތަރުތީބުން ޖަވާބުދެމުން ދާނޭކަމަށެވެ.

މި ޕްރޮމޯޝަނުގެ މަގްސަދަކީ އީޒެޕްގެ ތެރެއިން ދަތުރުތައް އިތުރުކުރުމާއި އެޕްލިކޭޝަން ބޭނުންކުރާ ޑްރައިވަރުންނަށް އިތުރަށް ދަތުރުތައް ހޯދައިދިނުމާއި ކަސްޓަމަރުންނަށް ފަސޭހައިން ހިދްމަތް ލިބުގަތުމުގެ މަގުފަހިކުރުންކަމަށް އީޒެޕުން ބުނެއެވެ. 

އީޒެޕް ގެ ސީއީއޯ / ސީއެފްއޯ މިއުވާން ބުނެފައިވަނީ މިވަގުތު ދަތުރު މަދުވުމުން ޑްރައިވަރުންނަށާއި ކަސްޓަމަރުންނަށް ދިމާވަމުން ދާ ދަތިތަކައް މާފާށް އެދޭ ކަމަށާއި، މި ޕްރޮމޯޝަން ގެ ޒަރިއްޔާއިން މި މައްސަލަތަކަށް ލުޔެއް ލިބިގެން ދާނެކަމަށް އުއްމީދު ކުރާ ކަމަށެވެ.  

އަދި އީޒެޕް ބާރު ސްޕީޑޭއްގައި ކުރިއަރަމުން ދާތީވެ އެކަމަށް ހުރިހާ ދިވެހިންނަށް ޝުކުރު އަދާ ކުރާކަމަށާ، އަދި ކުރިޔަށް އޮތް ތަނުގައި ކަސްޓަމަރުންނާއި ޑްރައިވަރުންގެ ހިޔާލުތަކަށްވެސް ބަލައިގެން އެޕްލިކޭޝަން އިތުރަށް ފުރިހަމަ ކުރުމަށް މަސައްކަތްތައް ކުރާނެ ކަމަށެވެ. 

އީޒެޕަކީ ވަރަށްގިނަ ހިދުމަތްތަކެއް އެކުލެވޭގޮތަށް ރާއްޖޭގައި ތައާރަފްކުރި ފުރަތަމަ ސުޕަ އެޕްލިކޭޝަނެވެ. މި އެޕް ތަރައްގީކޮށްފައިވަނީ ރާއްޖޭގައި މިހާރު ދެވޭ ގިނަ ޚިދުމަތްތައް ހިމަނައިގެންނެވެ. އީޒެޕް ފާހަގަކޮށްލެވޭ އެންމެ މައިގަނޑު އެއް ސަބަބަކީ ޕަބްލިކް ޑެލިވަރީ ޑްރައިވަރޒްގެ  ގޮތުގައި ސައިނަޕް ވެގެން ކޮންމެ ފަރާތަކައްވެސް އާމްދަނީ ހޯދުމުގެ ފުރުސަތު ދިވެހި ރާއްޖެއަށް ތަޢާރަފްކޮށްފައި ވާތީއެވެ. އަދި، ކޮންމެ ކަހަލަ ސްޓޯރ އަކަށްވެސް ސައިނަޕް ވެގެން އޮންލައިންކޮށް ސޭލްސް ހަދައި، ޑެލިވަރީ ކުރުމާއެކު ކަސްޓަމަރުންނާ ހަމަޔަށް ހިދްމަތް ފޯރުކޮށްދެވޭތީއެވެ.