ޓްރާންސްޕޯޓު މިނިސްޓްރީއަށް ހަމައެކަނި ކުރެވުނު ކަމަކީ ރައްޔިތުންގެ ބޮލުގައި ހެލްމެޓު އެޅުމަށް އެންގުން ކަމަށް ނައިފަރު ދާއިރާގެ މެންބަރު އަދި ޕީއެންސީގެ ނައިބު ރައީސް އަޙްމަދު ޝިޔާމު ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ޓްރާންސްޕޯޓް އޮތޯރިޓީ އުވާލުމުގެ ބިލަށް ވާހަކަ ދައްކަވަމުން ޝިޔާމް ވިދާޅުވީ، މިސަރުކާރުގައި ޓްރާންސްޕޯޓު މިނިސްޓަރަށް ކުރެވުނު ކަމަކީ ރައްޔިތުންގެ ބޮލުގައި ހެލްމެޓު އެޅުމަށް އެންގުން ކަމަށާއި، މިނިސްޓަރު ނާގާބިލުވުމުން އެކަމަނާއަށް ދެއްވަނީ ޓްރާންސްޕޯޓް އޮތޯރިޓީގެ ބާރުތައްކަމަށެވެ.
ޝިޔާމް ވިދާޅުވީ ޓްރާންސްޕޯޓް އޮތޯރިޓީ ހިންގަންޖެހެނީ މިނިސްޓަރުގެ ބެލުމުގެ ދަށުން ކަމަށާއި، އަދި އެ އޮތޯރިޓީގެ ބޯޑު ބަދަލުކުރުމުގެ ބާރުވެސް އޮތީ ރައީސުލްޖުމްހޫރިއްޔާއަށް ކަމަށެވެ.
ޝިޔާމް ވިދާޅުވީ ޓްރާންސްޕޯޓް އޮތޯރިޓީ ފެއިލް ނުވާކަމަށާއި، ފެއިލްވެގެން އުޅެނީ ރައީސް އިބްރާހީމް މުޙައްމަދު ޞާލިޙު ކަމަށެވެ.
"މިއުޅެނީ ޓްރާންސްޕޯޓު މިނިސްޓްރީ ފެއިލްވެގެންނެއްނޫން. މިއުޅެނީ ރައީސުލްޖުމްހޫރިއްޔާ ފެއިލްވެގެން. ހަމަމިތަނަށް އިޞްލާޙެއް ގެންނަ އިރަށް ލާމަރުކަޒީއޭ ކިޔާފަ ވާހަކަދައްކަވާތީ އަޅުގަނޑުމެން ލަދުގަނޭ." ޝިޔާމް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
