ކޮވިޑް-19 ރާއްޖޭގެ އެކި ސަރަޙައްދުގައި ހަލުވިކަމާ އެކު ފެތުރެމުންދާ މި ދަނޑިވަޅު ސިޔާސީ ޚިޔާލު ތަފާތުވުންތަކުން ދުރުވެ އެންމެން އެއްބައިވުމަށް ރައްޔިތުންގެ މަޖިލީހުގެ އައްޑޫ ފޭދޫ ދާއިރާގެ އެމްޑީޕީގެ މެންބަރު މުޙައްމަދު ނިހާދު ގޮވާލައްވައިފިއެވެ.
ނިހާދު މިހެން ގޮވާލައްވާފައިވަނީ ފަހަކަށް އައިސް ރާއްޖޭގައި ކޮވިޑް ޖެހޭ މީހުންގެ އަދަދު މައްޗަށް ދިޔުމާއި ގުޅިގެން ކުރެއްވި ޓުވީޓެއްގައެވެ. އިއްޔެގެ އިރުއޮއްސި ހައެއް ޖެހުމާ ހަމައަށް ރާއްޖެއިން 585 މީހަކު ވަނީ ކޮވިޑް-19 އަށް ޕޮޒިޓިވްވެފައެވެ.
ނިހާދު ވިދާޅުވީ، މިއަކީ ސިޔާސީ ޚިޔާލު ތަފާތުވުމާއި ޒާތީ ކަންތަކުން ދުރުވެ އެންމެން އެކަތި ގަނޑަކަށްވެ މި ވަބާއިން ޤައުމު ސަލާމަތް ކުރަންވީ ވަގުތު ކަމަށާއި، ދުނިޔޭގެ ބޮޑެތި ޤައުމުތަކަށް ދިމާވެފައިވާ ހާލަތު ރާއްޖެއަށް ދިމާވެއްޖެނަމަ ވަރަށް ދެރަވަރު ވާނެ ކަމަށެވެ.
"ދުނިޔޭގެ ބައެއް ބޮޑެތި ޤައުމުތަކަށް ދިމާވެފައިވާ ހާލަތު ރާއްޖެއަށް ދިމާވެއްޖެނަމަ ވަރަށް ދެރަ ވަރު ވާނެ. ބަލި ފެތުރުން ކޮންޓްރޯލް ކުރަމާ" ނިހާދު ވިދާޅުވެފައިވެއެވެ.
Advertisement
This content is created and paid for by advertisers and does not involve Voice Journalists
