އައިޖީއެމްއެޗްގައި މަސައްކަތް ކުރަމުން ދިޔަ ފިލިޕީންސްގެ އަންހެން ނަރުހެއް ކަމަށްވާ މޭރީ ގްރޭސްގެ މަރުގެ މައްސަލައިގައި އޭނާގެ ފިރިމީހާގެ މައްޗަށް އުފުލާފައިވާ ދައުވާ، ތަރުޖަމާނަކު މެދުވެރިކޮށް ތަރުޖަމާ ކޮށްދިންއިރު، އެންމެ ރަނގަޅަށް ތަރުޖަމާ ކޮށްނުދެވޭކަން ދައުލަތާއި، ދިފާއުން އަދި ޝަރީއަތުންވެސް އެއްބަސްވެއްޖެއެވެ.

މި މައްސަލައިގައި ބުދަ ދުވަހު ކްރިމިނަލް ކޯޓުގައި ކުރިއަށްދިޔަ އިބްތިދާއީ އަޑުއެހުމުގައި އޮތީ ދައުލަތުން މާވިންގެ މައްޗަށް އުފުލާފައިވާ ދައުވާ ހުށައެޅުމެވެ.

އެގޮތުން ބުދަ ދުވަހު ބޭއްވި އަޑުއެހުމުގައި ދައުލަތުން ވަނީ ދައުވާ އިއްވާފައެވެ. މާވިންގެ މައްޗަށް އުފުލާފައިވަނީ އެނގި ހުރެ މީހަކު މެރުމުގެ ކުށުގެ ދައުވާއެވެ.