އާސަންދަ ކުންފުނިން ވިލާ އެއާ އާއިއެކު ދަތުރުފަތުރުގެ އެއްބަސްވުމެއްގައި ސޮއިކޮށްފިއެވެ. 

އާސަންދަ ކުންފުނިން މިކަން އާންމު ކޮށްފައިވަނީ އެ ކުންފުނިން ނެރުނު ނޫސްބަޔާނެއްގައެވެ.

އާސަންދަ ކުންފުނިން ބުނެފައިވަނީ މި އެއްބަސްވުމަކީ އެތެރޭގެ ވައިގެ ދަތުރުފަތުރުގެ ނިޒާމުގެ ތެރެއިން އާސަންދައަށް ލިބެންޖެހޭ އެހީތެރިކަމާއި، އެއްބާރުލުން، ވިލާ އެއާގެ ފަރާތުން ފޯރުކޮށްދިނުމަށް ވެވުނު އެއްބަސްވުމެއް ކަމަށެވެ.

އެގޮތުން ވިލާ އެއާގެ ފްލައިޓުތައް ދަތުރުކުރާ އެއާޕޯޓުތަށް ހުންނަ ރަށްތަކާއި، ކައިރި ރައްތަކުން އާސަންދަ ސްކީމުގެ ދަށުން އެމަޖެންސީގައި މާލެއަށް ގެންނަން ޖެހޭ ފަރާތްތައް ގެނައުމުގައި އިތުރު ފަސޭހަތަކެއް މި އެއްބަސްވުމުގެ ދަށުން ލިބިގެންދާނެ ކަމަށްވެސް އާސަންދަ ކުންފުނިން ބުނެފައިވެއެވެ.

އާސަންދަ ކުންފުނީގެ ފަރާތުން މި އެއްބަސްވުމުގައި ސޮއެކުރައްވާފައިވަނީ ކުންފުނީގެ މެނޭޖިން ޑިރެކްޓަރ މަރިޔަމް ޝަފީގެވެ. ވިލާ އެއާގެ ފަރާތުން އެއްބަސް ވުމުގައި ސޮއެކުރެއްވީ މެނޭޖިން ޑިރެކްޓަރ އަބްދުﷲ ނާޝިދެވެ. 

މީގެ އިތުރުން އާސަންދައިން ބުނެފައިވަނީ އެ ކުންފުނިން ރާއްޖޭގައި އޮޕަރޭޓް ކުރަމުންދާ އިތުރު އެއާލައިން ތަކާއި އެކުވެސް މިފަދަ އެއްބަސްވުންތަކެއް އެކުލަވާލުމަށް މަސައްކަތް ކުރަމުންދާ ކަމަށެވެ.