ވިލިމާލޭގައި ޕަބްލިކް ޓްރާންސްޕޯޓުގެ ހިދުމަތް ފެށުމަށްޓަކައި ތިމާވެއްޓާއި ރައްޓެހި އިލެކްޓްރިކް ބަގީ ހޯދަން މާލޭ ސިޓީ ކައުންސިލުން ހުޅުވާލައިފި އެވެ.
ޕަބްލިކް ޓްރާންސްޕޯޓުގެ ހިދުމަތެއްގެ ގޮތުގައި ސިޓީ ކައުންސިލުން އަމިއްލައަށް ބަގީގެ ހިދުމަތް ފެށުމަށް ނިންމައި، ހަ އިލެކްޓްރިކް ބަގީ ސަޕްލައިކޮށްދޭނެ ފަރާތެއް ހޯދަން އިއުލާންކޮށްފައިވާއިރު، ސިޓީ ކައުންސިލުން ބުނީ އަންނަ ބުދަ ދުވަހު އެކަމާއި ގުޅޭ މައުލޫމާތު ސާފުކޮށް، އޮކްޓޯބަރު 5 ގައި އަގު ހުށަހަޅަންޖެހޭ ކަމަށެވެ.
އެގޮތުން އަގު ހުށަހެޅުމުގައި ބައިވެރިވެވޭނީ ދިވެހި ކުންފުނި، ޕާޓްނާޝިޕް، ލޯކަލް އިންވެސްޓްމަންޓް، ވިޔަފާރި ކުރުމުގެ ހުއްދަ ލިބިފައިވާ ފަރާތްތަކަށް ކަމަށް ވެސް އެ އިއުލާނުގައި ބުނެފައިވެ އެވެ.
ވިލިމާލޭ ބަގީގެ ޚިދުމަތް ދިނުމަށް ހަވާލުކުރި ކުންފުނިން އެމަސައްކަތް ނުކުރާތީ އެމަަސައްކަތް ވަނީ ނުފެށިފައެވެ. އެކަމާއި ގުޅިގެން ވިލިމާލެ ދާއިރާގެ މެންބަރު ނަހުލާ ވިދާޅުވީ، ބަގީގެ ޓިކެޓު ވިއްކާ ޓާމިނަލެއް އެޅުމަށާއި، ބަގީ ޕާކު ކުރަން މާލެ ސިޓީ ކައުންސިލުން އެ ކުންފުންޏަށް ވިލިމާލެއިން ދެ ބިން ދީފައިވާ ކަމަށެވެ. އެހެން ނަމަވެސް އެމަސައްކަތް ކޮށްފައެއް ނުވެއެވެ.
Advertisement
This content is created and paid for by advertisers and does not involve Voice Journalists
