ހުޅުމާލޭގައި ވޯޓާ ތީމް ޕާކް ހެދުމުގެ އެއްބަސްވުން ބާތިލްކޮށް، އެތަން އަތުލަން އެޗްޑީސީން ނިންމި ނިންމުމަށް އަމަލުކުރުން ހައި ކޯޓުން ހުއްޓުވައިފި އެވެ.

ހުޅުމާލޭގައި ވޯޓާ ތީމް ޕާކަކާއި ހަ ބުރީގެ ލެޝާ ހޮޓަލެއް އަޅަން މެލޭޝިއާގެ ކުންފުންޏާ އެކު އެއްވަސްވުމެއް ހެދީ 2017 ވަނަ އެވެ. އެހެން ނަމަވެސް އެތަނުގެ މަސައްކަތް ކުރިއަށް ނުދާތީ އެޗްޑީސީން ވަނީ މިދިޔަ މަހު އެ އެއްބަސްވުން ބާތިލުކޮށްފައެވެ.

ވޯޓާ ފްރަންޓް ކުންފުނިން ކޮންސްޓްރަކްޝަންގެ މުއްދަތު އިތުރު ކުރުމަށް އެދުމުން އިތުރުކޮށްދިން މުއްދަތު ފެށޭ ގޮތް ގުނާނެ ގޮތާ މެދު އެ ކުންފުންޏާއި އެޗްޑީސީއާ ދެމެދު ހިޔާލު ތަފާތުވުން އުފެދި، އެ މައްސަލައިގައި ވޯޓާ ފްރަންޓުން ވަނީ ސިވިލް ކޯޓުގައި އެޗްޑީސީއާ ދެކޮޅަށް ދައުވާކޮށް، ބިން އަތުލުން ފަސްކޮށްދޭން އަމުރެއް ނެރެދިނުމަށް އެދިފައެވެ. 

އެޗްޑީސީގެ ނިންމުމަށް އަމަލުކުރުން ފަސްކުރަން ހައިކޯޓުން ވަނީ މައްސަލަ ނިމެންދެން އަމުރު ނެރެނުދޭން ނިންމާފައެވެ. އެއީ ސިވިލް ކޯޓުން ވަގުތީ އަމުރު ނެރެނުދޭން ނިންމި ނިންމުމާ މެދު ހައިކޯޓުން ގޮތެއް ނިންމަންދެނެވެ.

އޭގެ ސަބަބެއް ކަމަށް ހައިކޯޓުން ފާހަގަކުރީ އިސްތިއުނާފު ކޮށްފައިވާ މައްސަލައާ މެދު އެ ކޯޓުން ގޮތެއް ނިންމުމުގެ ކުރިން އެޗުޑީސީގެ ސިޓީގައި ބަޔާންކުރާ މުއްދަތު ހަމަވެ، އެ ކޯޓުން ގޮތެއް ނިންމުމުގެ ކުރިން މައްސަލައިގެ ހާލަތު ބަދަލުވެދާނެ ކަމަށް ފެންނާތީ، މައްސަލަ އޮތް ހާލަތުގައި ބޭއްވުމަށެވެ.