ސިނަމާލެ ބުރިޖު ހައިވޭގައި ދެ ސައިކަލެއް ޖެހި ނުރައްކާތެރި އެކްސިޑެންޓެއް ހިނގައި، ދެ މީހަކަށް އަނިޔާވެއްޖެ އެވެ.

މައުލޫމާތު ލިބޭ ގޮތުގައި ރޭ 8:30 ހާއިރު ހިނގި މި އެކްސިޑެންޓުގައި އަނިޔާވި ދެ މީހުންނަށް ފަރުވާދިނުމަށް ވަނީ ހޮސްޕިޓަލަށް ގެންގޮސްފައެވެ. އެ މީހުން ގެންގޮސްފައިވަނީ ހުޅުމާލޭ ހޮސްޕިޓަލަށް ކަން އިނގިފައިވީ ނަމަވެސް އެ ދެ މީހުންނަށް ވެފައިވާ އަނިޔާގެ ތަފްސީލެއް މިހާތަނަށް ލިބިފައެއް ނުވެއެވެ.

ފުލުހުންގެ މީޑިއާ އޮފިޝަލް ވިދާޅުވީ، ހައިވޭގައި ދެ ސައިކަލެއް ޖެހި އެކްސިޑެންޓެއް ހިނގާފައިވާކަމަށް މިރޭ 7:56 އެހާއިރުު ފުލުހުންނަށް ރިޕޯޓު ކޮށްފައިވާ ކަމަށެވެ.

އަދި އެކްސިޑެންޓްގައި އަނިޔާވި ދެ މީހަކަށް ހުޅުމާލެ ހޮސްޕިޓަލުގައި ފަރުވާ ދެމުންދާކަމަށާއި އެ ހާދިސާ ހިނގި ސަރަހައްދުގައި ފުލުހުން ހަރަކާތްތެރިވެފައިވާކަމަށް ފުލުހުންވަނީ ބުނެފައެވެ.

ސޯޝަލް މީޑިއާގައި އާންމު ވެފައިވާ ވީޑިއޯ އަކުން ފެންނަ ގޮތުގައި އަނިޔާވެފައިވާ ފަރާތެއް ވަނީ ސްޓްރެޗަރަކަށް ލައިގެން އެމްބިއުލެންސަށް އަރުވާފައިވެއެވެ.