މި މަހުގެ ދެވަނަ ދުވަހު ހުޅުލޭ ފަރަށް އެރި ކޮންޓެއިނަރު ބޯޓު ތިން ލައްކައަށްވުރެ ގިނަ ރުފިޔާއިން ޖޫރިމަނާކޮށްފިއެވެ.
އީޕީއޭއިން ބުނީ ހުޅުލޭގެ ފަރަށް 02 ސެޕްޓެމްބަރުގައި އުޅަނދު އެރުމާގުޅިގެން ފަރަށް ލިބުނު ގެއްލުންތައް ބެލުމުގެ ގޮތުން އެ އުޅަނދުގެ ވެރިފަރާތުން ޢައްޔަންކުރި ސަރވެޔަރަކާއެކު، 10 ސެޕްޓެމްބަރު ގައި އެ އުޅަނދު ފަރަށް އެރި ސަރަޙައްދަށް ގޮސް ޖޮއިންޓް ސަރވޭއެއްވަނީ ކުރެވިފައިވާކަމަށެވެ.
އެ ސާވޭއިން އެނގުނު ގޮތުގައ ފަރުގައި އެ އުޅަނދު ޖެހިފައިިވާތީ ފަރަށް ކޮންމެވެސް މިންވަރެއްގެ ގެއްލުންތަކެއް ލިބުނުކަމަށް އީޕީއޭއިން ބުންޏެވެ.
އެގޮތުން، ހުޅުލޭގެ ފަރަށް ލިބިފައިވާ ގެއްލުން ތިމާވެއްޓަށް ދޭ ގެއްލުންތަކަށް ޖޫރިމަނާ ކަނޑައެޅުމާއި ބަދަލު ހޯދުމުގެ ގަވާއިދު ގެ ދަށުން ބެލިބެލުމުން ޖޫރިމަނާއަށް ކަނޑައެޅިފައިވާ ޢަދަދަކީ ތިންލައްކަ ފަސްދޮޅަސް ފަސްހާސް (365,000.00) ރުފިޔާކަމަށް އީޕީއޭން ބުނެއެވެ.
އަދި އެފައިސާ އީޕީއޭން އެދިފައިވާގޮތަށް މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނަށް 13 ސެޕްޓެމްބަރު ގައި އެ އުޅަނދުގެ ލޯކަލް އެޖެންޓް (ގްރޭސް އެޓޯލް ޕްރައިވެޓް ލިމިޓެޑް) ގެ ފަރާތުން ދައްކާފައިކަމަށް އީޕީއޭން ބުނެއެވެ.
Advertisement
This content is created and paid for by advertisers and does not involve Voice Journalists
