ބޯހިޔާވަހިކަމަށް ޚާއްސަކޮށް ހުޅުމާލޭަގައި އިމާރާތްކޮށްފައިވާ ހިޔާ މަޝްރޫއުގެ ދަށުން މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ހުޅުމާލޭ ދެ ވަނަ ފިޔަވަހީގައި ތަރައްގީ ކޮށްފައިވާ ދެ ޓަވަރުން ފްލެޓް ލިބުނު މުވައްޒަފުންނަށް އަންނަ މަހު ތަޅުދަނޑި ހަވާލުކުރަން ފަށާނެ ކަމަށް އެ ކުންފުނިން ބުނެފި އެވެ.
އެމްއޭސީއެލްގެ އިން ނެރެފައިވާ ސާކިއުލާއެއްގައި ބުނެފައި ވަނީ ހިޔާ މަޝްރޫއުގެ ދަށުން އެ ކުންފުނިން ތަރައްގީ ކޮށްފައިވާ ދެ ޓަވަރަށް ކަރަންޓް ދިނުމުގެ މަސައްކަތް މިހާރު ކުރަމުން އަންނަ ކަމަށެވެ.
އެގޮތުން މިމަހުގެ ތެރޭގައި ފްލެޓް ލިބުނު ފަރާތްތަކާއެކު އެއްބަސްވުމެއްގައި ސޮއިކޮށް އަންނަ މަހުގެ ތެރޭގައި ތަޅުދަނޑި ހަވާލުކުރާނެ ކަމަށް އެމްއޭސީއެލް އިން ބުނެއެވެ.
އެމްއޭސީއެލް އިން ބުނީ ފްލެޓް ލިބުނު މުވައްޒަފުންނާ އެކު ބޭއްވި ބައްދަލުވުމުގައި މުވައްޒަފުން ހުށައެޅި ކަންތައްތައް ހަމަޖައްސައިދީފައިވާނެ ކަމަށެވެ. އެގޮތުން އެޕާޓްމަންޓް ގަތުމަށް ޖުމްލަ ދައްކަންޖެހޭ ފައިސާގެ އަދަދު 15 އަހަރުން 20 އަހަރަށް ބަދަލުކުރުމާއި، ގެރެންޓާގެ ޝަރުތުތައް އުނިކޮށް އެޕާޓްމަންޓް ގަތުމަށް ޖުމްލަ ދައްކަންޖެހޭ ފައިސާގެ ތެރެއިން މަހަކު ދައްކަންޖެހޭ ފައިސާގެ އަދަދު މުވައްޒަފުންގެ މަހު މުސާރައިން އުނިކުރުން ހިމެނެއެވެ.
ހިޔާ ޕްރޮޖެކްޓްގެ ދަށުން އެމްއޭސީއެލްއިން 14 ބުރީގެ ދެ ޓަވަރު ތަރައްގީކޮށްފައިވާއިރު، މިމަސައްކަތް ހަވާލުކޮށްފައިވަނީ ބެއިޖިން އާބަން ކޮންސްޓްރަކްޝަން ގްރޫޕާ އެވެ.
Advertisement
This content is created and paid for by advertisers and does not involve Voice Journalists
