ހުޅުމާލޭގައި މިހާރު ކުރިއަށްދާ ބޯހިޔާވަހިކަމުގެ މަޝްރޫއުތަކުގެ ތެރެއިން އެޕޯލޯ ފްލެޓްތައް ފިޔަވައި އެހެން ހުރިހާ ހައުސިން މަޝްރޫއެއް ފެށީ ކުރީގެ ރައީސް ޔާމީންގެ ވެރިކަމުގައި ކަމަށް މާލެ ސިޓީ ކައުންސިލްގެ މޭޔަރު ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.
މި ސަރުކާރުން އިމާރާތް ކުރަމުންދާ ހައުސިން މަޝްރޫއުތައް ކަމަށް ވިދާޅުވެ، ޕްލޭނިން މިނިސްޓްރީގެ ޑެޕިއުޓީ މިނިސްޓަރު އަލީ ޝާމިން ހިއްސާ ކުރެއްވި ވީޑިއޯއަކާ ގުޅުވައި ކުރެއްވި ޓުވީޓެއްގައި މުއިއްޒު ވިދާޅުވީ، އެ ކްލިޕުން ފެންނަ ހިނގަމުންދާ މަޝްރޫއުތަކުގެ ތެރެއިން އެޕޯލޯ ހޯލްޑިންގްސް ހައުސިން މަޝްރޫއު ފިޔަވައި ދެން ހުރީ މުޅިން ވެސް ރައީސް ޔާމީންގެ ސަރުކާރުގައި ހަމަޖެހިފައި ހުރި ނުވަތަ ފައްޓާފައިވާ މަޝްރޫތައް ކަމަށެވެ.
އަދި ކުރިއަށް ރާވާފައިވާ ހައުސިން މަޝްރޫއުތަކުގައި ވެސް ރައީސް ޔާމީންގެ ދައުރުގައި ހަމަޖެހިފައިހުރި މަޝްރޫތައް ގިނަ ކަމަށް މުއިއްޒު ފާހަގަކުރެއްވިއެވެ.
އަލީ ޝާމިން ހިއްސާކުރެއްވި ވީޑިއޯއިން ފެންނަ ގޮތުގައި 2019 ވަނަ އަަހަރުން ފެށިގެން 2022 އަށް މި ސަރުކާރުން ހުޅުމާލޭގައި ކުރިއަށް ގެންދަމުންދާ ހައުސިން މަޝްރޫއުތަކުގެ ތަފްސީލް ވަނީ ދައްކާލާފައެވެ.
އެގޮތުން މިހާރު މި ސަރުކާރުން ތަރައްގީ ކުރަމުން ދަނީ 7،531 ހައުސިން ޔުނިޓެވެ. އަދި ކުރިއަށް ރޭވިފައި 4،050 ޔުނިޓްގެ މަސައްކަތް އެބައޮތް ކަމަށް އެވީޯޑިއޯގައި ބުނެއެވެ.
Advertisement
This content is created and paid for by advertisers and does not involve Voice Journalists
