ރާއްޖޭގައި ކެސިނޯ ހިންގުން އެއްވެސް ގަވާއިދަކުން މަނައެއް ނުކުރޭ: ރައީސް ނަޝީދު
ރާއްޖޭގައި ކެސީނޯ ހިންގުން އެއްވެސް ގަވައިދަކުން މަނާނުކުރާ ކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، ރައްޔިތުންގެ މަޖިލީހުގެ މިއަދުގެ ޖަލްސާގައި ވަޒީރުންނާ ސުވާލު ކުރުމުގެ ވަގުތުގައި، ކާށިދޫ ދާއިރާގެ މެންބަރު ޖާބިރު، ޔޫތު މިނިސްޓަރު އަހްމަދު މަހްލޫފާ ކުރެއްވި ސުވާލަކާ ގުޅިގެންނެވެ.
ޖާބިރު ވަނީ ރާއްޖޭގައި ކެސިނޯ އެޅުމަށް ޓޫރިޒަމް އިންޑަސްޓްރީއަށް ބޭނުންވާ ފައިސާ ހޯދުމަށް ޔޫތު މިނިސްޓްރީން ކުރަނީ ކިހާވަރެއްގެ މަސައްކަތެއްތޯ އާއި އެކަން ކުރުން މަނާކުރަނީ ކޮންތާކުންތޯ ޔޫތު މިނިސްޓަރާއި ސުވާލުކުރައްވާފައެވެ.
Advertisement
ޖާބިރުގެ ސުވާލަށް ޖަވާބުދެއްވަމުން މަހްލޫފް ވިދާޅުވީ ކެސިނޯއޭ ބުންޏަސް ރާއްޖޭގެ ރައްޔިތުންނަށް ގޯސްވާ ކަމަށާއި، ނަމަވެސް އެފަދަ ކަންކަމަކީ މުޖްތަމައުގައި މަޝްވަރާ ކުރެވެންޖެހޭނެ ކަންކަން ކަމަށެވެ.
ޖާބިރު ކުރެއްވި ސުވާލާ ގުޅިގެން ރިޔާސަތުގައި އިންނަވައި ނަޝީދު ވިދާޅުވީ، ރާއްޖޭގައި ކެސިނޯ ލައިސަންސް ދޫކުރުމާ ގުޅޭގޮތުން ތަކުރާރުކޮށް ސުވާލު ކުރާ ކަމަށާއި، އެއީ އެއްވެސް ގަވާއިދަކުން މަނާކުރާ ކަމެއް ނޫން ކަމަށެވެ.
"ތަކުރާރުކޮށް ނުކުންނަ ސުވާލެއް މީ ކެސިނޯގެ ލައިސަންސެއް ރާއްޖޭގައި ދިނުމާ ގުޅޭގޮތުން، ފާހަގަވާ ކަމަކީ އެއީ އެއްވެސް ގަވާއިދަކުން މަނާކުރާ ކަމެއް ނޫން. އެހެންނަމަވެސް ސާފު ގަވާއިދުތަކެއް ނެތުމުން ރިސޯޓުތަކަށް މި މަސައްކަތް ނުކުރެވި، އެ ހިދުމަތް ނުދެވި ވާކަމަށް ތަކުރާތުކޮށް އިއްޒަތްތެރި މެންބަރުން ފާހަގަކުރައްވާ،" ރައީސް ނަޝީދު ވިދާޅުވި އެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
