ރާއްޖޭގެ ރިސޯޓުތަކުގައި ކެސިނޯ ހިންގުމާ ގުޅޭ ގޮތުން މަޝްވަރާކުރެވެންޖެހޭކަމަށް ޔޫތު މިނިސްޓަރު އަޙްމަދު މަހުލޫފު ވިދާޅުވެއްޖެއެވެ.
ރައްޔިތުންގެ މަޖިލީހުގެ ޖަލްސާގައި ވާހަކަ ދައްކަވަމުން މަހްލޫފް ވިދާޅުވީ، ކެސިނޯގެ ނަން ބުންޏަސް އަދި އެ ވާހަކަ ދައްކަވަން ފެއްޓެވިއަސް އެ ވާހަކަދައްކަވާ ބޭފުޅުން ގޯސްވެ ކުށްވެރިވާ ކަމަށެވެ.
މިއަދު އޮތް ރައްޔިތުންގެ މަޖިލީހުގެ ޖަލްސާގައި ޖާބިރު ވަނީ ރާއްޖޭގެ ރިސޯޓުތަކުގައި ބަނގުރާ ވިއްކަމުންދާތީ ކެސިނޯ ނުހިންގެންވީ ސަބަބެއް ނެތްކަމަށް ވިދާޅުވެ، ވާހަކަ ދައްކަވާފައެވެ.
ޖާބިރުގެ މިވާހަކަތަކާއި ގުޅިގެން މަހްލޫފް ވިދާޅުވީ، ރާއްޖޭގެ ރިސޯޓުތަކުގައި ބަރާބަރަށް ރާ ވިއްކައި ހުރިހާ ސަކަރާތެއް ޖަހާ ކަމަށެވެ. އަދި ރާ ވިއްކުން ހަރާމް ކުރުމަށް ނޫނެކޭ ބުނެފައި ކެސީނޯ ހިންގުން ހަރާމްނުކުރެވޭނެ ކަމަށްވެސް މަހުލޫފު ވިދާޅުވިއެވެ.
"ކެސިނޯގެ ވާހަކަ ފަށާފައި ހަމަ ބުނާއިރަށް ބުނޭ ހަރާމޭ. ރާ ވިއްކުން ހަރާމެއް ނޫނޭ، ކެސީނޯގެ މަސައްކަތް ފަށާ ވާހަކަދައްކާއިރަށް އެ ހަރާމެއް ނުކުރެވޭނޭ،" މަހުލޫފު ވިދާޅުވިއެވެ.
މަހްލޫފް މިހެން ވިދާޅުވެފައިވާއިރު، މިއަދުގެ ޖަލްސާގައި ރައްޔިތުންގެ މަޖިލީހުގެ ރައީސް ވަނީ ކެސީނޯ ލައިސަންސް ދިނުމާ ގުޅޭ ގޮތުން ތަކުރާރުކޮށް ވަރަށް ގިނައިން ސުވާލު އަންނަ ކަމަށް ވިދާޅުވެފައެވެ. އަދި ކެސީނޯ ލައިސަންސް ދިނުމަކީ އެއްވެސް ގަވައިދަކުން މަނާކުރާ ކަމެއް ނޫން ކަމަށް އެމަނިކުފާނު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
