ކްލަބް މޯލްޑިވްސް ކަޕްގައި އެންމެ ފަހުގެ ޗެމްޕިއަން ރޯޑް ޑިވެލޮޕްމަންޓް ކޯޕަރޭޝަންގެ ރެކްރިއޭޝަން ކްލަބް (އާރްއާރްސީ) އާއި މާލެ ސިޓީ ކައުންސިލް ބައްދަލު ކުރާ މެޗުން މުބާރާތް ފަށަން ތައްޔާރުވެއްޖެއެވެ.

މި މެޗް ފެށުމަށް ހަމަޖެހިފައިވަނީ މިއަދު ހަވީރު 5:00 ގައި ހުޅުމާލެ ރެހެންދި ފުޓްސަލް ދަނޑުގައެވެ. 

ކްލަބް މޯލްޑިވްސް ކަޕް މިއަދު ހަވީރު 4:00 ގައި ހުޅުވުމުގެ ރަސްމިއްޔާތު އޮންނައިރު ކްލަބް މޯލްޑިވްސް ކަޕްގެ ހަތަރު މެޗާއި 18/30 ފުޓްސަލް ފިއެސްޓާގެ ދެ މެޗު ކުޅޭނެއެވެ. އެއަށްފަހު ފުރަތަމަ ބައްދަލު ކުރާނީ އާރްއާރްސީ އާއި ސިޓީ ކައުންސިލް ބައްދަލުކުރާ މެޗެވެ.

Advertisement

މި މުބާރާތަށް މާލެ ސިޓީ ކައުންސިލްގެ ޓީމްގެ ކޯޗުކަން ކޮށްދެއްވާނީ ދިވެހި ފުޓްބޯޅައިގައި ގިނަ ކާމިޔާބީތަކެއް ހޯއްދަވާފައިވާ ތަޖުރިބާކާރު ކުޅުންތެރިއެއް ކަމަށްވާ ކްލަަބް ޓީނޭޖްގެ ކެޕްޓަން އަހުމަދު މުޙައްމަދު (އަންމަޑޭ) އެވެ.

ކްލަބް މޯލްޑިވްސްގައި ބައިވެރިވާ މާލޭ ސިޓީ ކައުންސިލްގެ ޓީމަށް ހިތްވަރުދިނުމުގެ ގޮތުން މާލޭ މޭޔަރު ވަނީ ޓުވީޓުކޮށްފައެވެ. އެގޮތުން  މި މުބާރާތުގައި ބައިވެރިވާ ކުޅުންތެރިންނަށް ހިތްވަރުދެއްވުމުގެ ގޮތުން މޭޔަރު ވަނީ ޓީމަށް ފުރިހަމަ ކާމިޔާބީއަށް އެދިވަޑައިގަންނަވާ ކަމަށް ވިދާޅުވެ ޓްވީޓް ކުރައްވާފައެވެ.

މާލެ ސިޓީ ކައުންސިލް ޓީމުގެ މީޑީއާ ޕާޓްނަރަކީ ވޮއިސްއެވެ.