އިސްލާމް ދީނަށް ފުރައްސާރަކޮށް، ދީނާ ދެކޮޅު އަމަލުތައް ހިންގާ މީހުންނަށް ގާނޫނުލްއުގޫބާތުގައި ބަޔާންކޮށްފައިވާ ކުށުގެ އަދަބުގެ ދަރަޖަ ބޮޑު ކުރުމަށް ހުށަހެޅީ ބިލު ބޭރުކޮށްލައިފިއެވެ.
މި ބިލް ރައްޔިތުންގެ މަޖިލީހަށް ހުށަހަޅާފައިވަނީ މާމިގިލި ދާއިރާގެ މެންބަރު ގާސިމް އިބްރާހިމް އެވެ. މިއަދުގެ މަޖިލީހުގެ ޖަލްސާއަށް ގާސިމް އެ އިސްލާހު ހުށަހެޅުއްވީ އެ ކުށް ޖިނާޔަތުގެ ދެވަނަ ދަރަޖައިގެ ކުށެއް ކަމުގައި ކަނޑައެޅުމަށެވެ.
އެހެން ނަމަވެސް އެ ބިލު ބަލައިގަތުމާމެދު ނެގި ވޯޓުގައި، 24 މެންބަރުން ވޯޓު ދިނީ އިސްލާހު ބަލައިގަންނަން ނުފެންނަ ކަމަށެވެ. ބިލު ބަލައިގަންނަން ފެންނަ ކަމަށް ވޯޓު ދެއްވީ އެންމެ ނުވަ މެންބަރުންނެވެ. އެހެން ކަމުން އެ ބިލު ވަނީ ބޭރުކޮށްލާފައެވެ.
އޭގެ އިތުރުން ލިވާތު ކުރުމާއި ސިހާގުގެ ކުށަކީ ޖިނާއީ ބޮޑެތި ކުށްތަކުގެ ތެރޭގައި ހިމެނޭ ދެ ކުށް ކަމުގައި ކަނޑައެޅުމަށް ޖިނާއީ އިޖުރާއަތުގެ ގާނޫނަށް އިސްލާހު ގެނައުމަށް ގާސިމް ހުށަހެޅުއްވި ބިލު ވެސް ވަނީ ބޭރުކޮށްލާފަ އެވެ.
މި ބިލަށް ވޯޓުގައި ބައިވެރިވި 25 މެންބަރުންގެ ތެރެއިން ބަލައިގަންނަން ފެންނަ ކަމަށް ވޯޓު ދެއްވީ އެންމެ 13 މެންބަރުންނެވެ.
Advertisement
This content is created and paid for by advertisers and does not involve Voice Journalists
