ހެންވޭރު ގައި ހުރި ގެއެއްގައި ބަނގުރާ ކެއްކި މައްސަލާގައި ބިދޭސީ އަކު ހައްޔަރުކޮށްފައިވާ ކަމަށް ފުލުހުން ބުނެފިއެވެ.
ހެންވޭރު ރޯޝަނީ މަގުގައި ހުރި ގެއަކުން ދުން އަރާ ކަމަށް މިއަދު 06:12 ކަން ހާއިރު ފުލުހުންނަށް ރިޕޯޓް ކޮށްފައިވާ ކަމަށް ފުލުހުން މިއަދު ކުރިން ބުނެފައިވެއެވެ.
އަދި ރިޕޯޓްކުރުމާއި ގުޅިގެން އެމްއެންޑީއެފް އާއި ފުލުހުން އެގެއަށް ގޮސް ދޮރުގައި ތެޅުމުން އެއްވެސް މީހަކު ދޮރު ނުހުޅުވުމުން ބާރުގެ ބޭނުން ކޮށްގެން އެގެއަށް ވަދެފައިވާ ކަމަށް މީޑިއާ އޮފިޝަލް ވިދާޅުވިއެވެ.
މީގެ އިތުރުން، އެގެއަށް ވަދެ ބެލި ބެލުމުން އެގޭ ތެރެއިން ދުން އަރަމުން ދިޔައީ ބަނގުރާ ކައްކަމުން ދާތީކަންވެސް އެނގިފައިވާ ކަމަށާ، ބަނގުރާ ކައްކަން ބޭނުންކުރާ ގިނަ ސާމާނު ތަކެއް އެގެއިން ފެނިފައިވާކަމަށްވެސް ފުލުހުންގެ މީޑިއާ އޮފިޝަލް ވިދާޅުވިއެވެ.
މި މައްސަލާގެ އަދާހަމަ ދެމުން ދާދި ދެންމެ އަކު ފުލުހުންގެ މީޑިއާ އޮފިޝަލް ވިދާޅުވީ، އެ މައްސަލާގައި 34 އަހަރުގެ ބިދޭސީ ފިރިހެނަކު ހައްޔަރު ކޮށްފައިވާ ކަމަށެވެ. އަދި އެ މައްސަލަ ތަހުގީގު ކުރަމުންދާ ކަމަށްވެސް ފުލުހުން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
