އައުޓްޑޯ ޖިމްގެ ކޮންސެޕްޓް ރާއްޖޭގެ މާހައުލާއި ނުގުޅޭ ކަމަށާއި އެހެންކަމުން ކުރިން ހަދަން ނިންމާފައިވާ އައުޓްޑޯ ޖިމްތައް އިންޑޯ ޖިމްތަކަށް ބަދަލުކުރަން މަސައްކަތް ކުރަމުންދާ ކަމަށް ޔޫތު މިނިސްޓަރު އަހުމަދު މަހުލޫފް ވިދާޅުވެއްޖެ އެވެ.

މަހުލޫފް މިހެން ވިދާޅުވީ، ރައްޔިތުންގެ މަޖިލީހުގެ މިއަދުގެ ޖަލްސާގައި އިންޑޯ އަދި އައުޓްޑޯ ޖިމްތަކާއި ގުޅޭ ގޮތުން ކާށިދޫ ދާއިރާގެ މެމްބަރު ޖާބިރު ކުރެއްވި ސުވާލަކަށް ޖަވާބު ދެއްވަމުން ނެވެ. 

މަހުލޫފް ވިދާޅުވީ މިހާރުވެސް އިންޑޯ ޖިމްގެ ސާމާނު 9 ރަށަކަށް ފޯރުކޮށްދިނުމުގެ މަސައްކަތް ކުރަމުންދާ ކަމަށެެވެ. އައުޓްޑޯ ޖިމް ވަރަަށް ހިތް ގައިމު ކަމަށް ވިދާޅުވި ނަމަވެސް ރާއްޖޭގެ މާހައުލަށް އައުޓްޑޯ ޖިމް ކަމުނުދާ ކަމަށް މިނިސްޓަރ ވަނީ ވިދާޅުވެފައެވެ.

Advertisement

މިނިސްޓަރ އިތުރަށް ވިދާޅުވީ، އަަންނަ އަހަރަށް ވެސް އައުޓްޑޯ ޖިމް ގާއިމުކުރުމަށް ބަޖެޓްކުރެވިފައިވާ ރަށްރަށުގެ ތެރެއިން އެ އިންޑޯ ޖިމްއަށް ބަދަލުކުރަން ބޭނުންވާ ފަރާތްތަކަށް އެފުރުސަތު ދީގެން ކުރިއަށް ގެންދާނެ ކަމަށެވެ.