ހުޅުމާލޭގައި ހަދަމުން އަންނަ ސަރުކާރުގެ އޮފީސް އިމާރާތުގެ މަސައްކަތް އަންނަ މަހު ނިންމައި، ޑިސެމްބަރު މަހު ބޭނުންކުރަން ފެށޭނެ ކަމަށް ޕްލޭނިން މިނިސްޓްރީން ބުނެފި އެވެ.

އެމިނިސްޓްރީއިން ބުނީ މި އިމާރާތް ހެދުމަށް ސަރުކާރުން ނިންމީ ސަރުކާރުގެ ވަރަށް ގިނަ އޮފީސްތަކެއް ބޮޑު ހޭދައެއްކޮށް އަމިއްލަ ތަންތަން ވަކި މުއްދަތެއްނެތި ކުއްޔަށް ހިފައިގެން އުޅެންޖެހިފައި ވުމާއެކު، އެކަމަށް ހައްލެއް ގެނައުމަށްޓަކައި ރައީސުލްޖުމްޙުރިއްޔާ އިބްރާހިމް މުޙައްމަދު ސާލިޙް 2019 ވަނަ އަހަރު ނިންމެވި ނިންމުމުގެ މަތީން ކަމަށެވެ.

މިގޮތުން މާލޭގައި އިމާރާތް އަޅާނެ ބިމުގެ ދަތިކަން ހުރުމުން ސަރުކާރުން ނިންމެވީ އޮފީސް އިމާރާތް ހުޅުމާލޭގައި އެޅުމަށެވެ. އަދި، 2019 ވަނަ އަހަރު ޑިސެމްބަރުގައި ބިޑް ކާމިޔާބުވި ފަރާތަށް މަސައްކަތް އެވޯޑްކޮށް 2020 ވަނަ އަހަރުގެ ފެބްރުއަރީގައި އިމާރަތް ކުރުމުގެ މަސައްކަތް ވަނީ ފެށިފައެވެ.

އެހެން ނަމަވެސް ކޮވިޑްގެ ބަލިމަޑުކަމާ ގުޅިގެން މަސައްކަތް ނުނިމި ދިގުލައިގެން ދިޔަ ކަމަށާއި އެކަމަކު ދިމާވި ދަތިތަކަށް ފަހު އަންނަ މަހު އެތަނުގެ މަސައްކަތް އެއްކޮށް ނިމޭނެ ކަމަށް މިނިސްޓްރީން ބުނެެއެވެ.

ގްރައުންޑް ފްލޯ އަދި ފުރަތަމަ ފަންގިފިލާ

– ޕާކިންގ އޭރިއާދެވަނަ ފަންގިފިލާ

– މިނިސްޓްރީ އޮފް ޖެންޑަރ ފެމިލީ އެންޑް ސޯޝަލް ސަރވިސަސްތިންވަނަ ފަންގިފިލާ

– މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަންހަތަރުވަނަ ފަންގިފިލާ

– އެމެރިކަން އެމްބަސީފަސްވަނަ ފަންގިފިލާ

– މިނިސްޓްރީ އޮފް ހަޔަރ އެޑިއުކޭޝަންހަވަނަ ފަންގިފިލާ

– ކުދި މީޓިންގ ރޫމްތަކާއި ސެމިނާ ރޫމްއެއް އަދި ޓެރަސްއެއް

އޮފީސް އިމާރާތުގެ ކޮންމެ ފަންގިފިލާއެއްގެ ބޮޑު މިނަކީ 25000 އަކަފޫޓެވެ. މި މަސައްކަތް 185 މިލިއަން ރުފިޔާއަށް ހަވާލުކުރީ 2019 ވަނަ އަހަރު ޗައިނާގެ ހުނާން އިންޖީނިއަރިންއާ އެވެ.