ދައުލަތުގެ ޚަރަދު ހަމަޖައްސަން އެންމެ ރަނގަޅު ގޮތަކީ ޓެކްސް އަދި ނޮން ޓެކުސް ރެވެނިއު އިތުރު ކުރުންކަމަށް ތަޖުރިބާކާރުން ދެކޭ ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެންބަރު އިބްރާހީމް ޝަރީފް (މަވޯޓާ) ވިދާޅުވެއްޖެއެވެ.
ޓެކްސް ބޮޑު ކުރުމާއި ގުޅިގެން ގިނަ ބަޔަކު ސަރުކާރަށާއި އަދި ޓެކުސް ބޮޑު ކުރާ ބިލަށް ތާއިދުކޮށް ވޯޓު ދިން މެންބަރުންނަށް ފާޑުކިޔަމުން ދަނިކޮށް، އެ ނިންމުން ދިފާއުކޮށް ޝަރީފް ކުރެއްވި ޓުވީޓެއްގައި ވިދާޅުވީ، ދައުލަތުގެ ޚަރަދު ހަމަޖައްސަން އެންމެ ރަނގަޅު ގޮތަކީ ޓެކްސް އަދި ނޮން ޓެކުސް ރެވެނިއު އިތުރު ކުރުންކަމަށް ތަޖުރިބާކާރުން ދެކޭ ކަމަށެވެ.
މިއާއެކު އޭނާ ވަނީ ޖީއެސްޓީއާއި ޓީޖީއެސްޓީ ބޮޑު ކުރަން ތާއީދު ކުރެއްވީ ގައުމުގެ އިގުތިސޯދު އަނދަވަޅަކަށް ވެއްޓުނަނުދީ ހިފެހެއްޓުމާއިއެކު ރައްޔިތުންނަށް ސަރުކާރުން ފޯރުކޮށްދޭން ޖެހޭ ހިދުމަތް މެދުނުކެނޑި ދެވޭނެ ގޮތް ފަހި ކުރުމަށް އެއީ މިހާރު ކުރަން ޖެހޭ ކަމަކަށް ވާތީ ކަމަށެވެ.
"މުޅި ދުނިޔޭގެ އިގްތިސާދު އިދަ ޖެހިފައިވާ ދަނޑިވަޅެއްގައި ގައުމުގެ އިގްތިސާދު ހުއްޓުނަ ނުދީ ހިފެހެއްޓުމަށް ބޭނުންވާ ޚަރަދު ކުރުމަށް ޖީއެސްޓީ ބޮޑު ކުރީ" ޝަރީފް ވިދާޅުވިއެވެ.
އަންނަ ޖެނުއަރީމަހުން ފެށިގެން ރައްޔިތުން އަތުން ނަގާ ޓެކްސް ނުވަތަ ޖީއެސްޓީ ބޮޑުކުރުމަށް ސަރުކާރުން މަޖިލީހަށް ހުށަހެޅި ބިލު ފާސްވެފައިވަނީ 55 މެންބަރުން ވޯޓުންނެވެ. އެ ބިލާއި ދެކޮޅަށް ވޯޓް ދެއްވީ 26 މެންބަރުންނެވެ.
މިއާއެކު ޖީއެސްޓީ 6 އިންސައިން 8 އިންސައްތައަށް އަދި ޓީޖީއެސްޓީ 12 އިން 16 ޕަސެންޓަށް އުފުލިގެންދާނެއެވެ. އެއާއެކު ތަނެތީގެ އަގުތަކަށްވެސް ބޮޑެތި ބަދަލުތަކެއް އަންނާނެއެވެ.
Advertisement
This content is created and paid for by advertisers and does not involve Voice Journalists
