ޤަތަރުގައި މިހާރު ކުރިއަށްދާ ވޯލްޑްކަޕް ގެ ސަބަބުން ފަލަސްތީނުގެ އަޑު މުޅި ދުނިޔެއަށް އިއްވާނެ މަންސައެއް ލިބިގެން ގޮސްފައިވާ ކަމަށް ބުނެފިއެވެ. 

ޤަތަރުގައި ދިރިއުޅެމުންދާ ފަލަސްތީނުގެ ރައްޔިތުންނާއި، ވޯލްޑްކަޕް ބެލުމަށް އެގައުމަށް ދިޔަ ފަލަސްތީނުގެ ރައްޔިތުން އަންނަނީ ދަނޑުމަތީގަޔާއި، ސްޓޭޑިއަމް ބޭރުގައިވެސް، އަދި ގަތަރުގެ އެކި ސަރަހައްދުތަކުގައި ފަލަސްތީނުގެ ދިދަ ހިފައިގެންނާއި، އެނޫންވެސް ގޮތް ގޮތުން ފަލަސްޠީނު މިނިވަން ކުރުމަށް ގޮވާލައި، ފަލަސްތީނުގެ ބިމަށް ގަދަ ކަމުން ވެރިވެގަނެގެން އުޅޭ އިސްރާއީލުންނާ ދެކޮޅަށް އަޑު އުފުލަމުންނެވެ. 

"ދުނިޔޭގެ އެކި ގައުމުތަކުގެ މީހުން މިތަނުގައި އެބަ ތިބި. އަހަރެމެން މިފަދައިން (ފަލަސްޠީނު ރަމްޒުކޮށްދޭ) ހެދުން އަޅައިގެން ތިބުމުން އެމީހުން އައިސް އަހަރެމެން ކައިރީ އަހާ ތިއީ ކޮން ގައުމެއްގެ ބައެއްހޭ. ވޯލްޑްކަޕް ގައި ފަލަސްތީނު ބައިވެރި ނުވާތީ އެއީ". 

Advertisement

"ވޯލްޑްކަޕްގެ ސަބަބުން އަހަރެމެންގެ އަޑު ދުނިޔެއަށް އިއްވާނެ މަންސައެއް ލިބިއްޖެ"

ފަލަސްޠީނުގެ ޗާޓާއި އެކު "ފްރީ ފަލަސްޠީނު" ލިޔެފައިވާ ޓީޝާޓެއް ލައިގެން ހުރި ޒުވާނެއް ބުންޏެވެ. 

މިގެ އިތުރުންވެސް، ފަލަސްތީނުގެ މިހާރުގެ ޙާލަތާއި، އެ ގައުމުގެ ޤާފަތާއި ތާރީޚްވެސް ދުނިޔޭގެ އެކި ކަންކޮޅުތަކުގައި ތިބި މީހުންނަށް ކިޔައިދިނުމުގެ ފުރުސަތު ވޯލްޑްކަޕް މެދުވެރިކޮށް ލިބިގެން ގޮސްފައިވާ ކަމަށް އެ ގައުމުގެ ރައްޔިތުން ބުނެފައިވެއެވެ.