އަވައްޓެރި ސްރީ ލަންކާގައި އަމިއްލައަށް އަރުވާލެވިގެން 18 އަހަރު ހުރުމަށްފަހު އަހުމަދު "ބޮޑު ސިއްކަ" އިސްމާއިލް މާލެ އަރައިފި އެވެ.
މައުލޫމާތު ލިބިފައިވާ ގޮތުގައި އޭނާ ރާއްޖެ އައިސްފައި ވަނީ އިއްޔެގެ ވަގުތެއްގައެވެ.
ސިއްކަ އަހުމަދު އިސްމާއިލްއަކީ ރައީސުލްޖުމްހުރިއްޔާ އިބްރާހީމް މުހައްމަދު ޞާލިހުގެ އަނބިކަނބަލުން ފަޒްނާ އަހުމަދުގެ ބައްޕައެވެ. އަދި އެއީ ރައްޔިތުން މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދުގެ ބޮޑުބޭބެ އެވެ.
ސިއްކަ އަހުމަދު އިސްމާއިލް އޭނާގެ ބައެއް ދަރިންނާއިއެކު
ސިއްކަ އަހުމަދު ސްރީ ލަންކާގެ ކޮޅުނބަށް ދިރިއުޅުން ބަދަލުކުރީ ދެހާސް ވަނަ އަހަރުގެ ކުރީކޮޅު ސިޔާސީ މައިދާން ހަލަބޮލިވެ، މާލޭގެ ސިޔާސީ މީހުން އަދި ކަމުވޮށިގެންވާ ބޭފުޅުންނަށް ނުރައްކާތަކެއް ކުރިމަތިވުމުންނެވެ.
1988 ވަނަ އަހަރުގެ ނޮވެމްބަރު 3 ވަނަ ދުވަހު ރާއްޖޭގެ ބަޔަކާއި ގުޅިގެން ތަމަޅަ ޓައިގަރުން އައިސް ދިން އުދުވާނީ ހަމަލާ، ރޭވިކަން އެނގި ހުރެ އެކަން ސިއްރު ކުރިކަން ސިއްކަގެ މައްޗަށް ވަނީ ސާބިތުވެފައެވެ. އެކަމާއި ގުޅިގެން އޭނާއަށް ވަނީ 15 އަހަރުގެ ޖަލު ހުކުމެއް އައިސްފައެވެ. ނަމަވެސް ފަހުން ރައީސް މައުމޫން އަބްދުލްގައްޔޫމް ވަނީ އޭނާއަށް އަފޫއާމް ދެއްވައިފަ އެވެ.
Advertisement
This content is created and paid for by advertisers and does not involve Voice Journalists
