ކ. ‏މާފުށީ ޖަލު ބަލައި ފާސްކުރުމުގެ އޮޕަރޭޝަނެއް ފުލުހުންނާއި އެމްއެންޑީއެފުން ފަށައިފިއެވެ. 

ފުލުހުން ރޭ ބުނީ، މި އޮޕޮރޭޝަން ފަށާފައި މިވަނީ މާފުށީ ޖަލަށް މަނާތަކެތި ވައްދައިގެން ސްކޭމް ކުރުމާއި ޓެރެރިޒަމަށް މަގުފަހިވާ އަމަލުތައް ހިންގާކަމަށް ލިބިފައިވާ މައުލޫތުތަކާ ގުޅިގެން މާފުށި ޖަލު ބަލައި ފާސްކޮށްދިނުމަށް މޯލްޑިވްސް ކަރެކްޝަން ސަރވިސް އިން ދިވެހި ފުލުހުންގެ ހިދުމަތުގައި އެދިލައްވާފައިވާތީ ކަމަށެވެ. 

އެގޮތުން ރޭގައި ފަށާފައިވާ މި އޮޕަރޭޝަން ކުރިއަށް ގެންދިއުމަށް ހަމަޖެހިފައިވަނީ ފުލުހުންނާއި، ސިފައިންގެ އިތުރުން މޯލްޑިވްސް ކަރެކްޝަން ސަރވިސް ގުޅިގެން ކަމަށް ވެސް ބުނެފައިވެއެވެ. 

އަދި މި އޮޕަރޭޝަންގައި މާފުށި ޖަލު ބަލައި ފާސްކުރުމުގެ މަސައްކަތް ކުރިއަށްދާނެކަމަށް ފުލުހުން ބުނެފައިވެއެވެ. 

މީގެ ކުރިންވެސް ފުލުހުންނާއި ސިފައިން ގުޅިގެން މާފުށީ ޖަލުގައި މިފަދަ އޮޕަރޭޝަންސްތައް ކުރިއަށް ގެންގޮސްފައި ވެއެވެ.

އެގޮތުން މިދިޔަ އަހަރު ތެރޭގައިވެސް އެފަދަ އޮޕަރޭޝަނެއް ހިންގާފައިވާއިރު އެ އޮޕަރޭޝަންގައި ފުލުހުންގެ ފާރަގެމައިގެ ކުއްތާވެސް ބޭނުންކޮށްފައިވެއެވެ. އަދި އެ އޮޕަރޭޝަންގައި ޖަލުގެ ބައެއް ގޮޅިތައްވެސް ބަލާފާސްކޮށްފައިވެއެވެ.