ރައީސް އިބްރާހިމް މުހައްމަދު ސޯލިހަށް ވެރިކަމުގެ ދެވަނަ ދައުރެއްދޭނެ ތާއީދުކުރައްވަނީ ކޯވިޑް ނަވާރައިގެ ބަލިމަޑުކަމުން އަރައިގަތުމަށް އެމަނިކުފާނު ކުރެއްވި ހިކުމަތްތެރި މަސައްކަތްޕުޅުގެ ސަބަބުންކަމަށް މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ) ވިދާޅުވެއްޖެއެވެ. 

ޝަރީފް މިފަދައިން ވިދާޅުވެފައިވަނީ ކުރިއަށް އޮތް އެމްޑީީގެ ރިޔާސީ ޕްރައިމަރީގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށް ތާއީދުކުރައްވާކަން އިއުލާނުކުރައްވާ ކުރެއްވި ޓްވީޓެއްގައެވެ. 

އެގޮތުން ޝަރީފް ވިދާޅުވީ، ކޯވިޑް ނަވާރައިގެ ބަލިމަޑުކަމުން ގައުމު ސަލާމަތް ވެގެން ދިޔައީ ރައީސް ސޯލިހު ހިކުމަތްތެރިކަމާއެކު ކުރެއްވި މަސައްކަތްޕުޅުގެ ސަބަބުން ކަމަށެވެ. އަދި އެއީ ރައީސް ސޯލިހަށް ދެވަނަ ދައުރެއްދޭން ތާއީދުކުރައްވާ މައިގަނޑު ސަބަބުކަމަށް ޝަރީފު ވަނީ ވިދާޅުވެފައެވެ. 

Advertisement

އެމްޑީޕީގެ ރިޔާސީ ޕްރައިމަރީ އިއުލާނުކުރުމާއި ގުޅިގެން އެ ޕާޓީގެ ދެ ރައީސުންވެސް ވަނީ ޕްރައިމަރީގައި ވާދަކުރައްވާނެކަން އިއުލާނުކުރައްވާފަ އެވެ. 

އެއާއެކު އެމްޑީޕީގެ ދެ ރައީސުންނަށް ތާއީދުކުރައްވާ މެމްބަރުންގެ މެދުގައި އޮތް ނުތަނަވަސްކަން ބޮޑުވެ ބަހުގެ ހޫނު ހަމަލާތަކެއްވެސް ވަނީ ބަދަލުކުރަން ފަށާފައެވެ.