ރެއާއި މިއަދުން, މާލޭގެ މަގުތަކުން 30 ޓަނު ކުނި ނަގާފައި ވާކަމަށް މާލޭ ސިޓީ ކައުންސިލުން ބުނެފިއެވެ.

ސިޓީ ކައުންސިލުން ބުނީ، ރޭގެ 11:00 އިން ފެށިގެން މިއަދު މެންދުރު 1:30 އާއި ހަމައަށް މާލޭގެ މަގުތަކުން 30.1 ޓަނުގެ ކުނި، މާލެ ސިޓީ ކައުންސިލުން ނަގާފައިވާ ކަމަށެވެ.

މާލެއާއި ވިލިމާލޭގެ އާންމު ތަންތަނުން ކުނި ނެގުމަށް ކުރިން ވެމްކޯއާ ހަވާލުކޮށްގެން ކުރިއަށް ގެންދިޔަ މަސައްކަތުގެ އެގްރިމެންޓް ހަމަވުމާއެކު، ސިޓީ ކައުންސިލުން ވަނީ މިިދިޔަ ހަފްތާގެ ތެރޭގައި އެކަން ހުއްޓާލުމަށް ވެމްކޯއަށް އަންގާފައެވެ.

Advertisement

މާލެއާއި ވިލިމާލޭގެ އާންމު ސަރަހައްދުތަކުން ކުނި ނަގަން ވެމްކޯއާއެކު ހެދި އެއްބަސްވުން އާ ނުކުރަން ސިޓީ ކައުންސިލުން ނިންމީ، ބޮޑު ބަޖެޓެއް ދިން ނަމަވެސް އެ ކުންފުނިން ގަވާއިދުން އެ ކަން ކުރަމުން ނުދާ ކަމަށް ބުނެއެވެ.

ސިޓީ ކައުންސިލުން އަމިއްލައަށް މާލެއާއި ވިލިމާލޭގެ ޕާކުތަކާއި މައިޒާންތަކާއި މަގުތައް ސާފުކުރުމަށް ނިންމާފައި ވާއިރު، މާލޭގެ އާންމު ތަންތަނުން ކުނި ނެގުމުގެ މަސައްކަތާ ވެސް ދެން ހަވާލު ވާނީ ސިޓީ ކައުންސިލުންނެވެ.

ވެމްކޯ އިން ދެން ހަމައެކަނި ނަގާނީ ގޭބިސީތަކުން ބޭރުކުރާ ކުނި އެކަންޏެވެ.

ވެންކޯއިން ގަސްތުގައި ނުނެގި ކުނި، މާލޭ ސިޓީ ކައުންސިލުން ނަގަމުންދާ ކަމަށާ، އިއްޔެ މާލޭ މަގުތަކުން 100 އަށްވުރެ ގިނަ ޓަނުގެ ކުނި ނަގާފައީވާ ކަމަށް މާލޭ މޭޔަރު ޑރ މުހައްމަދު މުޢިއްޒު ވިދާޅުވިއެވެ.