މާލޭގައި އާންމުކޮށް ކުނި ބަހައްޓާފައި ހުންނަ 18 ސަހަރައްދެއްގެ ލިސްޓު އާންމުކޮށް އެ ތަންތަނުގައި ކުނި ނުބެހެއްޓުމަށް މާލޭ ސިޓީ ކައުންސުލުން އިލްތިމާސްކޮށްފި އެވެ. 

ސިޓީ ކައުންސިލުން ނެރުނު އެ އިއުލާނުގައި އާންމުކޮށް ކުނި އަޅާފައި ހުންނަކަމަށް ފާހަގަކުރެވޭ ސަރަހައްދުތަކަކީ: 

1-ގަލޮޅު، ބަނަފްސާ މަގު، ގ. ފަހިވާގެ ރޯޒުމޯޑު ކުރިމަތި

2-ހެންވޭރު، ކަރަންކާމަގު އަބަދަށްފެހިމަގު ކަންމަތި

3-ހެންވޭރު، އަބަދަށް ފެހި މަގު، ހުޅުދޫގެ ކައިރި

4-ގަލޮޅު، މިޔަލަނި ގޯޅި

5-މާފަންނު، ސަބުދެލި މަހު، ސަތަރު ގޯލި ކަންމަތި

6-މައްޗަންގޯޅި ސަހަރާކައިރި

7-މައްޗަންގޯޅި، ނިކަގަސްމަގު، ކުރިކީލިމަގު ކަންމަތި

8-މައްޗަންގޯޅި، ހިތިލާގެ، ރެޑްމީކައިރި

9-މާފަންނު، އަލިރަސްގެފާނު ޒިޔާރަތްކައިރި

10-މާފަންނު މައްޗަންގޯޅި ގަލޮޅު، އަމިނީމަގު ކޮޅު ބެދިފަ ހުންނަ ގޯޅިތައް

11-ގަލޮޅު، ފާށަނާކިލޭގެމަގު، ދާދަރާގޯޅި

12-ގަލޮޅު، ރާދަފަތިހިނގުން، ހ. ބީޗްނެސްޓް ކައިރި

13-ހެންވޭރު، އެވަޗާންސްގޯޅިގަނޑު ތެރެ

14-މައްޗަންގޯޅި، ބޮޑުފުޅައްގޯޅި

15-ގަލޮޅު ސަހަރާމަގު، ގ. ސެންޓްގެކައިރި

16-މާފަންނު، ޖަންބުމަގު

17- ހެންވޭރު ސަހަރާ، ފޫޅުމާގެކައިރި

18-ހެންވޭރު، ވައިޖެހޭމަހު އުތުރުން މަޖީދީމަގު ކަންމަތި

އާންމުކޮށް ކުނި އަޅާފައި ހުންނަ ތަންތަން ފާހަގަކޮށް ސިޓީ ކައުންސުލުން ބުނީ އެ ސަރަހައްދުތަކަށް ކުނި އަޅާތަން ފެނިއްޖެކަމަށް ވާނަމަ ލަސްނުކޮށް މާލޭ ސިޓީ ކައުންސިލްއަށް ރިޕޯޓު ކުރުމަށް އެދޭކަމަށެވެ. އެގޮތުން ސިޓީ ކައުންސިލްގެ ހޮޓްލައިން 1622 އަށް ގުޅުއްވާ ރިޕޯޓުކުރުމަށް ސިޓީ ކައުންސިލުން ވަނީ އެދިފައެވެ. 

ކުރިން މާލެ ސަރަހައްދުގެ އާންމު ތަންތަނުން ކުނި ނަގަމުން އައީ ވޭސްޓް މެނޭޖުމެންޓް ކޯޕަރޭޝަން (ވެމްކޯ)އިންނެވެ. ނަމަވެސް އެ ކުންފުނިން ރަނގަޅަށް އެ ޒިންމާ އަދާނުކުރާތީ ސިޓީ ކައުންސިލާއި އެ ކުންފުނީގެ މެދުގައި އޮތް އެއްބަސްވުމުގެ މުއްދަތު ހަމަވުމުން އެއްބަސްވުން އައުނުކުރަން ސިޓީ ކައުންސިލުން ނިންމައި، އެ ޒިންމާއާ ވަނީ ހަވާލުވެފައެވެ. 

އެފަހުން ގެތަކުން ނެރޭ ކުނި ވެމްކޯއިން ނުނަގާ މައްސަލަތަކެއް ވަނީ ފެންމަތިވެފައެވެ. އަދި ވެމްކޯއިން މަގުތަކަށް ކުނި އަޅާތަން ފެންނަ ވީޑިއޯއެއްވެސް ވަނީ އާންމުވެފައެވެ. 

އެ ފަދަ މައްސަލަތައް ފެންމތިވަމުން ދިއުމާއި ގުޅިގެން މާލޭ ސިޓީ ކައުންސިލުން ވަނީ އާންމުންގެ ސަލާމަތާއި މަގުމަތީގެ ސާފުތާހިރުކަން ދެމެހެއްޓުމަށް ޒިންމާދާރު ކަމާއެކު މަސައްކަތް ކުރުމަށް ވެމްކޯއަށް އިލްތިމާސްކޮށްފައެވެ. އަދި ފަރުދީ ޒިންމާ އަދާކޮށް މަގުތަކަށް ކުނި ނޭޅުމަށް މާލޭގެ ރައްޔިތުންގެ އަރިހުންވެސް އެދިފައެވެ.