ރީހެބިލިޓޭޓް ނުކުރެވޭ ވެލާ ކަހަނބު ރާއްޖެއިން ބޭރަށް ފޮނުވަން ހުއްދަދިނުން ވަގުތީގޮތުން މެދުކަނޑާލައިފިއެވެ. 

އެންވަޔަރަންމަންޓަލް ޕްރޮޓެކްޝަން އޭޖެންސީ (އީޕީއޭ) އިން ކުރި އިއުލާނެއްގައި ބުނީ، އެ ހުއްދަ މެދުކަނޑާލީ ވެލާ ކަހަނބުގެ މެނޭޖްމަންޓް ޕްލޭން ގެޒެޓްކުރެވެންދެން ކަމަށެވެ. 

ދިވެހިރާއްޖޭގައި ދިރިއުޅޭ ވެލާ ކަހަނބުތަކުގެ ތެރެއިން އެކި ބާވަތުގެ އަނިޔާ ލިބުމުގެ ސަބަބުން ނުކުޅެދުންތެރިކަން ލިބިފައިވާ، އަލުން އަނބުރާ އޭގެ ޤުދުރަތީ މާހައުލަށް ދޫނުކުރެވޭ ވެލާ ކަހަނބު ރާއްޖެއިން ބޭރުގެ 'އެކުއޭރިއަމްތަކަށް' އެކްސްޕޯޓު ކުރެވޭނީ އީޕީއޭއިން ދޭ ހާއްސަ ހުއްދައެއްގެ ދަށުންނެވެ.

އެހެންކަމުން މިކަމާ ގުޅޭގޮތުން ވަކިގޮތެއް ނިންމައި، އީޕީއޭއިން އަންގައި އިޢުލާން ކުރަންދެން، ފަރުވާ ނުކުރެވޭ ވެލާ ކަހަނބު އެކްސްޕޯޓުކުރާ ޚާއްސަ ހުއްދަ ދިނުން ހުއްޓާލާފައިވާކަމަށް އީޕީއޭގެ އިއުލާނުގައި ބުންޏެވެ.

ނަމަވެސް ވެލާ ކަހަނބުގެ މެނޭޖްމަންޓް ޕްލޭން ގެޒެޓްކުރެވޭނެ ވަކި ތާރީހެއް އީޕީއޭއިން ހާމައެއް ނުކުރެއެވެ.