މާފުށީ ޖަލުގައި ގައިދީންތަކެއްގެ މެދުގައި ހިނގި ހަމަނުޖެހުމެއް ހޫނު ތޫނު އެއްޗެހިން ހަމަލާދީ ދެމީހުން ޒަޚަމްވެއްޖެއެވެ.
މި މާރާމާރީ ހިނގާފައިވަނީ މިއަދުގެ ހަވީރުގެ ވަގުތެއްގައެވެ. މި މާރާމާރީގައި އެކެއްގެ އަނގަމަތި ފަޅައިގެންދިއުން ފިޔަވައި އިތުރު ބޮޑު އަނިޔާއެއް ނުވާކަމަށް ފުލުހުން ވަނީ ބުނެފައެވެ.
އެހެން ނަމަވެސް މާރާމާރީ ހިންގަން މެދުވެރިވި ސަބަބެއް އަދި ފުލުހުން ހާމަކޮށްފައެއް ނުވެއެވެ.
އެކަމާއި ގުޅޭގޮތުން ކަރެކްޝަންސް އިން ބުނީ އެ މާރާމާރީ ހިނގީ ޖަލު ގޮޅިއެއްތެރޭ ދެ ގައިދީންގެ ދެމެދު އެވެ. ކަރެކްޝަންސްގެ އޮފިސަރަކު އެކަން ހުއްޓުވާފައިވާއިރު، އަނިޔާވި މީހާ އައިޖީއެމްއެޗަށް ގެންގޮސް ދަނީ ފަރުވާދެމުން ނެވެ. އޭނާގެ ހާލަތު ސީރިއަސް ނޫންކަންވެސް ކަރެކްޝަނުން ވަނީ ޔަގީންކޮށްދީފަ އެވެ.
މި މާރާމާރީގައި އެކެއްގެ މެޔަށް ވަޅިން ހަމަލާދީ، އަނެކަކަށް ކަޓަރަކުން ހަމަލާދިން ކަމަށް ފެތުރޭ ވާހަކަތައް ފުލުހުން އަދި ކަރެކްޝަނުންވެސް ދޮގުކުރެ އެވެ.
މި މާރާމާރީގައި މީހަކަށް ތޫނު އެއްޗަކުން ހަމަލާދީފައި ނުވާކަމަށް ފުލުހުން ބުނިއިރު، ތޫނު އެއްޗަކުން މީހަކަށް ހަމަލާދީފައިވާ ކަމަށް ބުނެ ދައުރުކުރަމުންދާ ފޮޓޯއަކީ ވެސް ފޭކު ފޮޓޯއެއް ކަމަށް ފުލުހުން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
