ޅ. ހިންނަވަރުގައި 30 އެނދުގެ ހޮސްޕިޓަލެއް އަޅަށް ކުރާ ހޭދައަށް, މާވަށު ދާއިރާގެ މެމްބަރު އަދި ޕީއެންސީގެ ނައިބު ރައީސް މުހައްމަދު ސައީދު ފާޑުވިދާޅުވެއްޖެ އެވެ.
ހިންނަވަރުގައި 30 އެނދުގެ ހޮސްޕިޓަލް އެޅުމަށް ހެލްތް މިނިސްޓްރީން ކޮންޓްރެކްޓަރާ ހަވާލު ކުރީ މިދިޔަ ބުރާސްފަތި ދުވަހުއެވެ.
ޖުމުލަ 186 މިލިއަން ރުފިޔާއަށް މި މަސައްކަތް ހަވާލު ކޮށްފައި ވަނީ އެސްއޭއެސްސީ ކޮންސްޓްރަކްޝަން ޕްރައިވެޓް ލިމިޓެޑާއެވެ. 18 މަސް ދުވަހުން ނިންމާގޮތަށް ހަވާލު ކުރި މި މަޝްރޫއުއަށް ފައިނޭންސް ކުރަނީ ބީއެމްއެލްއިން ނަގާ ލޯނަކުންނެވެ.
އެކަމަށް ފާޑުވިދާޅުވެ ސައީދު ކުރެއްވި ޓުވީޓެއްގައި ވަނީ، 30 ބެޑުގެ އިމާރާތެއް އަޅަން މި ސަރުކާރުން 186 މިލިއަނަށް ހަވާލުކުރި އިރު، ކުރީގެ ރައީސް ޔާމީންގެ ވެރިކަމުގައި އިމާރާތްކުރި ދަރުމަވަންތަ ހޮސްޕިޓަލް އަގުބޮޑުވެގެން ފާޑުކީ ފަރާތްތައް ކޮބައިތޯ ސުވާލު އުފައްދާފައެވެ.
"ކޮންޓްރެކްޓަރު ޖެހޭނީ ހަމަ 30 ބެޑު އިންނަވަރުގެ ތަންކޮޅެއް ހިއްނަވަރުގައި ހަދާލަން! ލޯނު ބީއެމްއެލް. ގެރެންޓީ ދައުލަތް، ވިކެނީ ރައްޔަތުން،" ސައީދު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
