ނީލަން ފިހާރައިގައި، މިއަދި ހެނދުނު ރޯވި އަލިފާނުގެ ހާދިސާއާ ގުޅިގެން މާލެ ސިޓީ ކައުންސިލުގެ 166 ބިދޭސީ މުވައްޒަފުންނަށް ވަގުތީ ހިޔާވަހިކަން ދިނުމަށް، ކޮވިޑް ފެސިލިޓީއަށް ގެންގޮސްފިއެވެ.
އަލިފާނުގެ ހާދިސާގެ ސަބަބުން ވަގުތީ ބޯހިޔާވަހިކަން ދޭން ޖެހުނު މުވައްޒަފުން ވަގުތީގޮތުން ތިބީ އިމާދުއްދީން ސްކޫލްގައެވެ.
މި ހާދިސާގައި އެއްވެސް މީހަކަށް އަނިޔާ ލިބިފައި ނުވިޔަސް، ނީލަން ފިހާރައިގެ އުތުރު ފަޅިން އިމާދުއްދިން ސްކޫލާ ދިމާއިން ފެތުރެމުންދިޔަ އަލިފާންގަނޑުގެ އަސަރު، މާލެ ސިޓީ ކައުންސިލުގެ ބިދޭސީ މުވައްޒަފުން ތިބި ތިން ބްލޮކަކަށް ވަނީ ކޮށްފައެވެ.
އެކަމާ ގުޅިގެން ރޭ މާލޭ މޭޔަރު ޑރ. މުހައްމަދު މުއިއްޒު ނޫސްވެރިންނާ ބައްދަލު ކުރެއްވުމަށްފަހު ދެއްކެވި ވާހަކަފުޅުފައި ވިދާޅުވީ، މަގުމަތިވި މުވައްޒަފުން ބޭތިއްބުމަށް މާލެއިން އެކި ތަންތަން ބެލި ކަމަށެވެ. ނަމަވެސް 200 މީހުން ބައިތިއްބާނެ ތަނެއް މާލެއިން ނުލިބުނު ކަމަށެވެ.
އެހެންކަމުން މަގުމަތިވި މީހުން ގެންދަން ހަމަޖެއްސީ ކޮވިޑް ފެސިލިޓީއަށެވެ.
"ޑިޒާސްޓަރ މެނޭޖްމަންޓުން އެތަނަށް ގޮދަޑިއާ ހުރިހާ އެއްޗެހި ހަމަކޮށްދެއްވާނެ ކަމަށް (ވިދާޅުވި). ދެން އެކަމު ކައުންސިލުން ކެއިންބުމިއުގެ ކަންތައް ހަމަޖައްސަން ޖެހޭނީ. ދެން އެހެންވީމަ އެއީ އެރޭންޖްމެންޓަކީ." މުއިއްޒު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
