ޕްލޭނިން މިނިސްޓްރީގެ ޑެޕިއުޓީ މިނިސްޓަރަކަށް ކުރީގެ އައްޑޫ ސިޓީގެ ޑެޕިއުޓީ މޭޔަރު މުހައްމަދު ޔަސްރިފް ހަމަޖައްސައިފިއެވެ.

ރައީސުލްޖުމްހޫރިއްޔާގެ އޮފީހުން ބުނި ގޮތުގައި ޔަސްރިފް އެ މަގާމަށް ހަމަޖެއްސީ މިިދިޔަ މަހުގެ ތެރޭގައެވެ.

ކައުންސިލްގެ ތިންވަނަ ދައުރުގައި އައްޑޫ ސިޓީގެ ޑެޕިއުޓީ މެޔަރުކަން ކުރެއްވި ޔަސްރިފް އޭގެ ފަހުން ހުންނަނީ އައްޑޫ ސިޓީ ކައުންސިލްގެ ޑިރެކްޓަރގެ މަގާގުމައެވެ.

Advertisement

އެމްޑީޕީ ރިޔާސީ ޕްރައިމަރީ މި މަހު ބާއްވަން ހަމަޖެހިފައި ވާއިރު، ޔަސްރިފަށް ޑެޕިއުޓީ މިނިސްޓަރެއްގެ މަގާމު ދެއްވީ، އެމްޑީޕީގެ އެތެރޭގެ އިންތިޚާބުގައި ރައީސް ޞާލިހަށް ތާއީދު ކުރައްވާތީ ކަމަށް ބައެއް ފަރާތްތަކުން ބުނެއެވެ.

ޔަސްރިފަކީ މީގެ ކުރިން ރައީސް ނަޝީދަށް ތާއީދު ކުރެއްވި ބޭފުޅެކެވެ،

މި މަހުގެ 28 ވަނަ ދުވަހު އޮންނަ އެމްޑީޕީގެ ޕްރައިމަރީގައި ވާދަކުރައްވަނީ ރައީސް ޞާލިހާއި ކުރީގެ ރައީސް އަދި ރައްޔިތުންގެ މަޖިލިހުގެ ރައީސް މުހައްމަދު ނަޝީދެވެ.