ގިނަ ގައުމުތަކާ ހިލާފަށް، ކޮވިޑަށްފަހު ރާއްޖޭގެ އިގުތިސާދު ރަނގަޅު ވުމަކީ ރައީސް ޞާލިހުގެ ކާމިޔާބީއެއް ކަމަށް މަވޯޓާ ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފް (މަވޯޓާ) ވިދާޅުވެއްޖެއެވެ.
މަވޯޓާ ކުރެއްވި ޓުވީޓެއްގައި ވިދާޅުވީ ސްރީލަންކާ ފަދަ ގިނަ ޤައުމުތައް އޮތީ އަދިވެސް ކޮވިޑްގެ އަޑިގަނޑުން އިގްތިސޯދު އަރައި ނުގަނެވި ކަމަށާއި ނަމަވެސް ރާއްޖެ ވަނީ އިޤްތިޞާދީ ދަތިކަމުން އަރައިގަެނ، ކުރިއެރުންތަކެއް ހޯދާފައި ކަމަށެވެ.
މިއީ ރައީސް އިބްރާހިމް މުހައްމަދު ޞާލިހުގެ ސަރުކާރުގެ ބޮޑު ކާމިޔާބީއެއް ކަމަށް އޭނާ ވިދާޅުވިއެވެ.
ކޮވިޑް-19 އަށް ތިން އަހަރު ފާއިތުވެފައި ވާއިރު އެކަމުގެ ސަބަބުން މުޅި ދުނިޔޭގެ އިގްތިސޯދަށް އަސަރު ކުރި ކަމަށާއި ގިނަ ގައުމުތަކަށް އަދިވެސް އެ ދަތިކަމުން އަރައި ނުގަނެވޭކަމަށް މަވޯޓާ ފާހަގަ ކުރެއްވިއެވެ.
ނަމަވެސް ކޮވިޑަށްފަހު ރާއްޖޭގެ އިގްތިސޯދު ރަނގަޅުވެ، ހިންދަމާލެވުނީ ރައީސް ޞާލިހުގެ ސަރުކާރުން އެޅުއްވި ހަރުދަަނާ ފިޔަވަޅުތަކުން ކަމަށް އޭނާ ވިދާޅުވިއެވެ.
Advertisement
This content is created and paid for by advertisers and does not involve Voice Journalists
