ކ. ވާވެއްދިފަރަށް އެރި ދެ ބޯޓު 100 މިލިއަނުން ޖޫރިމަނާކޮށްފިއެވެ.
އެންވަޔަރަމަންޓް ޕްރޮޓެކްޝަން އޭޖެންސީ (އީޕީއޭ) އިން ނެރުނު ބަޔާނެއްގައި ބުނީ، 'އޭއެމް އާގަމް' ނަމަކަށްކިޔާ ބާޖާއި 'އޭއެމް އަލްޕިޓް' ނަމަކަށް ކިޔާ ޓަގު، މިދިޔަ އަހަރުގެ ޖުލައި މަހުގެ 23 ވަނަ ދުވަހު ވާވެއްދި ފަރަށް އަރާފައި ވާކަމަށެވެ.
އެ އުޅަނދުތައް ފުންކޮށް ނިމުމުން، އެ ސަރަހައްދުގެ ފަރަށް ލިބުނު ގެއްލުން ބެލުމަށް ސަރވޭއެއް ކޮށްފައިވާ ކަމަށާއި އެގޮތުން ބެލި ބެލުމުން، ފަރުގެ 3926 އަކަމީޓަރުގެ ސަރަހައްދަކަށް ބޮޑެތި ގެއްލުންތަކެއް ލިބިފައިވާކަން ފާހަގަ ކުރެވިފައި ވާކަމަށް އީޕީއޭއިން ބުންޏެވެ.
އެ އުޅަނދުތައް ފަރަށް އެރުމާ ގުޅިގެން ފަރުގެ ހާލައުލަށް ލިބުނު ގެއްލުން، 'ތިމާވެށި ރައްކާތެރިކޮށް ބެލެހެއްޓުމާ ބެހޭ ގާނޫނު'ގެ ދަށުން ބަލައި އެ އުޅަނދުތަކުގެ ވެރިފަރާތް ކަމުގައިވާ 'ދި މިޑްލް އީސްޓް މެރިން އެލްއެލްސީ' ވަނީ 100 މިލިއަން ދިވެހި ރުފިޔާއިން ޖޫރިމަނާ ކޮށްފައެވެ.
އަދި މި ޖޫރިމަނާގެ ފައިސާ، މިދިޔަ އާދީއްތަ ދުވަހުން ފެށިގެން 30 ދުވަހުގެ ތެރޭގައި ދައްކާ ހަލާސް ކުރުމަށް އުޅަނދުތަކުގެ ވެރިފަރާތަށް ވަނީ އަންގާފައެވެ.
Advertisement
This content is created and paid for by advertisers and does not involve Voice Journalists
