ބިމުގެ ކުލީގެ ގޮތުގައި ސްޓެލްކޯއިން 68 މިލިއަން ރުފިޔާ ދައްކަން ޖެހޭ މާލެ ސިޓީ ކައުންސިލް އަށް ދައްކަންޖެހޭ ކަަމަށް އެކައުންސިލުން ބުނެފިއެވެ.
މާލޭސިޓީ ކައުންސިލުން ކަރަންޓް ބިލު ނުދައްކާ ކަމަށް ބުނެ، ސިޓީ ކައުންސިލްގެ ބެލުމުގެ ދަށުގައިވާ ބައެއް ތަންތަނުން ސްޓެލްކޯއިން ކަރަންޓް ކަނޑާލުމާއި ގުޅިގެން ގިނަ ބައެއްގެ ފާޑުކިޔުންތައް ސިޓީ ކައުންސިލަށް ވަނީ އަމާޒުވަފެއެވެ.
އެ ފާޑުކިޔުންތަކަށް ރައްދު ދެއްވައި، މާލެ ސިޓީ ކައުންސިލްގެ މޭޔަރު ޑރ މުހައްމަދު މުއިއްޒު މީޑިއާ ތަކަށް މައުލޫމާތު ދެއްވަމުން ވިދާޅުވީ، މާލެ ސިޓީ ކައުންސިލުން ކަރަންޓް ބިލު ތަކަށް، 2021 ވަނަ އަހަރުގެ މެއި މަހުން ފެށިގެން 31 ޑިސެމްބަރު 2022 ވަނަ ދުވަހުގެ ނިޔަލަށް -/10,660,604/99 ރުފިޔާ ސްޓެލްކޯއަށް ދައްކާފައިވާ ކަމަށެވެ. އަދި ޑިސެމްބަރު މަހުގެ ނިޔަލަށް ސްޓެލްކޯއަށް ނުދެއްކި ވަނީ -/16,519,796 ރުފިޔާ ކަމަށެވެ.
ސްޓެލްކޯއަށް ސިޓީ ކައުންސިލުން ދައްކާފައިވާ ކަރަންޓް ބިލު ތަކުގެ ތަފްސީލް: ފޮޓޯ/ މާލެ ސިޓީ ކައުންސިލް
މިއާއެކު މުޢިއްޒު ވިދާޅުވީ، މާލެ ސިޓީ ކައުންސިލްގެ ބިން ތަކަށް ކުލީގެ ގޮތުގައި ސްޓެލްކޯއިން އެ ކައުންސިލަށް 68,341,787 ދަންކަންޖެހޭ ކަމަށްވެސް މޭޔަރު ވަނީ ފާހަގަކޮށްފައެވެ. އަދި އެއީ ޖުމުލަ 49 ބިމަށް ދައްކަންޖެހި، ނުދައްކައި ހުރި ކުލި ކަމަށްވެސް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
