04 ފެބުރުވަރީ 2023 ވަނަ ދުވަހުގެ ނިޔަލަށް އައްޑޫސިޓީކައުންސިލްގެ އިދާރާއިން ފޯރުކޮށް ދެމުންގެންދާ ލައިސަންސްގެ އެންމެހާ ޚިދުމަތްތައް ވަގުތީ ގޮތުން ވަނީ ހުއްޓަލާފައެވެ.
މިއަދު އައްޑޫ ސިޓީ ކައުންސިލްގެ އިދާރާ އިން ނެރުން އިއުލާން އެއްގައި ވަނީ މިކަން މިހެން ކުރުމަށް ނިންމާފައި ވަނީ، މިނިސްޓްރީ އޮފް ޓްރާންސްޕޯޓް އެންޑް ސިވިލް އެވިއޭޝަނުން، އަލަށް ތަޢާރަފް ކުރެވުނު ސޮްޕްޓްވެއާ ޚިދުމަތްތަކުގެ ތެރެއިން، އެއްގަމުގައި ދުއްވާ އިންޖީނުލީ އުޅަނދުފަހަރު ދުއްވުމުގެ ލައިސަންސްގެ ޚިދުމަތް ފެށުމުގެ ކުރިން ކުރަންޖެހޭ ޑޭޓާ މައިގްރޭޝަންގެ މަސައްކަތް ކުރުމަށްޓަކައިކަމަށެވެ.
މިއީ ރައްޔިތުންނަށް ފޯރުކޮށް ދެމުންދާ ޚިދުމަތްތަކުގެ ފެންވަރު މަތިކޮށް ލުއިފަސޭހަކަމާއިއެކު ލިބޭނެ އިންތިޒާމް ހަމަޖެއްސުމުގެ ގޮތުން އެމިނިސްޓްރީއިން ފަށާފައިވާ މަސައްކަތެކެވެ.
އެގޮތުން މިކަމާއި ގުޅިގެން އެ މިނިސްޓްރީއިން ވަނީ 04 ފެބުރުވަރީ 2023 ވަނަ ދުވަހުގެ ނިޔަލަށް އައްޑޫ ސިޓީ ކައުންސިލްގެ އިދާރާއިން ފޯރުކޮށް ދެމުންގެންދާ ލައިސަންސްގެ އެންމެހާ ޚިދުމަތްތައް ވަގުތީ ގޮތުން ހުއްޓާލެއްވުމަށް އަންގަވާފައެވެ.
އެހެންކަމުން ލައިސަންސް ފޯމްތައް ވަގުތީގޮތުން ބަލައިގަތުން ވަނީ އެއިދާރާއިން ހުއްޓާލައިފައެވެ.
އަދި ލައިސަންސްގެ ޚިދުމަތް ހުއްޓާލާފައިވާ މުއްދަތުގެ ތެރޭގައި މުއްދަތު ހަމަވެފައިވާ ލައިސަންސް ކާޑު ބޭނުންކޮށްގެން 14 ފެބުރުވަރީ 2023 ވަނަ ދުވަހުގެ ނިޔަލަށް އެއްގަމު އުޅަނދު ދުއްވޭނެ ކަމަށްވެސް ސިޓީ ކައުންސިލުން ވަނީ ބުނެފައެވެ.
މިނިސްޓްރީގެ ސޮފްޓްވެއަރގެ މަސައްކަތްނިމި ވަކިގޮތެއް އެންގެވުމުން ފޯމް ބަލައިގަންނާނެ ދުވަސް އިޢުލާން ކުރާނެ ކަމަށް ވެސް ވަނީ ކޮށްފައެވެ.
Advertisement
This content is created and paid for by advertisers and does not involve Voice Journalists
