މެލޭޝިއާގެ ކުރީގެ ބޮޑުވަޒީރު ޓުން ޑރ. މަހާތީރު މުޙައްމަދު އެ ޤައުމުގެ ނެޝަނަލް ހާޓް އިންސްޓިޓިއުޓް (އައިޖޭއެން) ގައި އިއްޔެ އެޑްމިޓްކޮށްފިއެވެ.
ޢުމުރުން 101 އަހަރުގެ މަހާތީރު ހޮސްޕިޓަލުގައި އެޑްމިޓްކުރި ޚަބަރު ހާމަކޮށް ދަރިކަލުން ދާތޯ ސެރީ މުޚްރިޒް މަހާތީރު ވިދާޅުވީ، އެޑްމިޓް ކުރީ އޮބްޒަވޭޝަންއަށް ކަމަށެވެ.
މަހާތީރު ހޮސްޕިޓަލަށް ގެންދެވީ އަނބިކަނބަލުން ޓުން ޑރ. ސީތީ ހަސްމާ މުޙައްމަދު ޢަލީ ހަމަ އެ ހޮސްޕިޓަލުގައި ނިޔާވިތާ އެއް ދުވަސް ފަހުންނެވެ.
ޢުމުރުން 100 އަހަރުގެ ސީތީ ހަސްމާ ނިޔާވީ ހިތުގެ އެޓޭކެއް ޖެހި ހާލު ބޮޑުވެ ހޯމަ ދުވަހު އައިޖޭއެންގައެވެ. އޭނާގެ ޖަނާޒާ ބާއްވައި ހަމަ އެ ދުވަހު ޕުޓްރާޖާޔާގެ ޕްރެސިންކްޓް 20 ގައި އޮންނަ ޕުސާރާ ނެގާރާގައި ފަސްދާނުލެވުނެވެ.
ޑޮކްޓަރީ ދާއިރާއިން ތަޢުލީމު ޙާޞިލުކުރައްވާފައިވާ މަހާތީރާއި ސީތީ ހަސްމާ ކައިވެނި ބައްލަވައިގެން އުޅުއްވީ 70 އަހަރު ވަންދެންނެވެ. ދެ ބޭފުޅުންނަށް ހަތް ބޭފުޅުން ލިބިވަޑައިގެންފައިވެއެވެ.
Advertisement
This content is created and paid for by advertisers and does not involve Voice Journalists
