ރާއްޖޭގެ ފަތުރުވެރިކަމުގެ ސިނާޢަތުގައި ހަރަކާތްތެރިވާ މުވައްޒަފުންގެ ތެރެއިން 40 އިންސައްތައަކީ ދިވެހިން ކަމަށް ރިސޯޓްތައް ތަމްސީލުކުރާ މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ، މަޓީގެ ވައިސް ޗެއާމަން ޞަލާހް ޝިހާބެވެ.

ދިވެހިރާއްޖޭގެ ފަތުރުވެރިކަމުގެ ސިނާއަތުގައި ސަލާމަތާއި ރައްކާތެރިކަން ކުރިއެރުވުމުގެ ގޮތުން ބޭއްވި "ސޭފްޓީ އެންޑް ސެކުއާ ކޮންފަރެންސް" ގައި ވާހަކަދައްކަވަމުން މަޓީގެ ވައިސް ޗެއާމަން ޞަލާހް ޝިހާބް ވިދާޅުވީ، ރާއްޖޭގެ ފަތުރުވެރިކަމުގެ ދާއިރާގައި ގާތްގަނޑަކަށް 37،000 ދިވެހިން ސީދާ ގޮތުން މިހާރު ވެސް ވަޒީފާ އަދާކުރަމުންދާ ކަމަށެވެ. ރިސޯޓްތަކުގެ މުވައްޒަފުންގެ ނިސްބަތަށް ބަލާއިރު ދިވެހިންގެ އެވެރެޖް 40 އިންސައްތާގައި ހުރިއިރު، ބާކީ ހުރި ވަޒީފާތައް ފުރަމުން ގެންދަނީ ބިދޭސީ މުވައްޒަފުން ކަމަށް އޭނާ ފާހަގަކުރެއްވިއެވެ. އެހެންކަމުން، މި ސިނާޢަތުގެ އެކި ޙަރަކާތްތަކަށް އެހީތެރިވުމުގައި ދިވެހިންނަށް ވުރެ ގިނަ ޢަދަދަކަށް ބިދޭސީ މުވައްޒަފުން ހަރަކާތްތެރިވާކަން އޭނާ ފާހަގަކުރެއްވިއެވެ.

ޞަލާހް ޝިހާބް ވިދާޅުވީ ފަތުރުވެރިކަމުގެ ދާއިރާގައި މަސައްކަތްކުރާ މި ހުރިހާ މުވައްޒަފުންނަކީ ވެސް ޑޮލަރުން ބޮޑެތި ޚަރަދުތަކެއް ހިނގާ ބައެއްކަމަށެވެ.

ފަތުރުވެރިކަމުގެ ސިނާޢަތަކީ ރާއްޖޭގެ އިޤުތިޞާދުގެ މައި ތަނބަށް ވާއިރު، ރިސޯޓްތަކުގައި މަސައްކަތްކުރާ ދިވެހިންނާއި ބިދޭސީ މުވައްޒަފުންގެ ނިސްބަތާއި، މި ސިނާޢަތުން ބޭރު ފައިސާއަށް ކުރާ ޑިމާންޑާ ގުޅޭ މަޢުލޫމާތަކީ ރާއްޖޭގެ އިޤުތިޞާދީ ހާލަތާއި މި ދާއިރާގެ މިސްރާބު ވަޒަންކުރުމުގައި މުހިންމު މަސައްކަތެއްކަން ފާހަގަކޮށްލެވެއެވެ.