ހެންވޭރު ސަހަރާގެ މަހާނައެއް ކޮނެގެން އެއްޗެހިތަކެއް ނަގާ މަންޒަރު ފެނިގެންދާ ވީޑިއޯގެ ތަފްސީލު މާލޭ ސިޓީ ކައުންސިލުން ހާމަކޮށްފި އެވެ. 

އެ ވީޑިއޯ ސޯޝަލް މީޑިއާގައި އާންމުވުމާއި ގުޅިގެން ގިނަ ބަޔަކު ބުނަމުން ދިޔައީ އެއީ ސިހުރު ވަޅުލާ މަންޒަރުކަމަށެވެ. އަދި އެ ތަނުގައި ސިޓީ ކައުންސިލުގެ މުވައްޒަފެއް ހުރިތަން ފެންނަކަމަށާއި، އެކަމާއި ގުޅިގެން ބޮޑެތި ތުހުމަތުތަކެއްވެސް އަމާޒުކުރަމުން ދިޔައެވެ. 

އެހެން ނަމަވެސް އެ ވީޑީއޯއާއި ގުޅޭގޮތުން ސިޓީ ކައުންސިލުން ބުނީ އެތަނުން ކޮނެގެން ނެގީ ސިހުރު ހަދާފައި ހުރި ތަކެތި ކަމަށެވެ.

Advertisement

ސަހަރާ ކޮނެގެން ނެގި ސިހުރުގެ ބައެއް ތަކެތި

އަދި މި މައްސަލައިގައި ވީޑިއޯއިން ފެންނަ ސިޓީ ކައުންސިލުގެ މުވައްޒަފާއި މެދު ފިޔަވަޅު އަޅާނެކަމަށް އެ ކައުންސިލުން ވަނީ ބުނެފައެވެ. 

ސަހަރާއިން މިނިކަށި ނަގައިގެން ސިހުރު ހަދާކަމަށް މީގެ ކުރިންވެސް ވަނީ އަޑުތައް ފެތުރިގެން ގޮސްފައެވެ. އަދި އެފަދައިން އެކަންކަން ކުރަމުންދާ މަންޒަރު ފެނިގެންދާ ވީޑިއޯތައް މީގެކުރިންވެސް އާންމުވެފައިވާއިރު،  މިފަދަ ކަންކަން ހުއްޓުވުމަށް މިހާތަނަށް އޮތީ އެކަށީގެންވާ ފިޔަވަޅުތައް ނޭޅިއެވެ.