ރާއްޖޭގައި ބާއްވާ އެންމެ ބޮޑު ފުޓްސަލް މުބާރާތުގެ އަތޮޅު ބުރުގެ މެޗުތައް މިރޭ ފަށާއިރު، ހއ. ގުރޫޕް ދޭއްގައި ހިމެނޭ ހޯރަފުށި މުބާރާތުގެ ފުރަތަމަ މެޗުގައި މިރޭ 20:00 ނުކުންނާނީ ހއ.އުތީމާއި ދެކޮޅަށެވެ. މި މެޗު ކުޅުމަށް ހަމަޖެހިފައިވަނީ ހުޅުމާލޭ ރެހެންދި ފުޓްސަލް ގުރައުން ދޭއްގައި އެވެ.

ވޯއިސް އަލް މައުލޫމާތް ދެމުން ހޯރަފުށީ ފުޓްސަލް ޓީމުގެ މެނޭޖަރު އުސައިދު މޫސާ ބުނީ، މިރޭގެ މެޗަށް ޓީމު ވަރަށް ރަގަޅައް ތައްޔާރުވެފައިވާ ކަމަށާއި ހުރިހާ ކުޅުންތެރިންވެސް ތިބީ މި މެޗުން ރަގަޅު ނަތީއްޖާއެއް ހޯދުމަށް ވަރަށް ބޮޑަށް ބޭނުންވެފައި ކަމަށެވެ. މުބާރާތުގައި ރަގަޅު ކާމިޔާބެއް ހޯދަން ބޭނުންނަމަ ފެށުން ރަގަޅުކުރަންޖެހޭ އެހެންވީމަ ފުރަތަމަ މެޗުގެ ނަތީއްޖާ ވަރަށް މުހިންމުވާނެ އުސައިދު ބުންޏެ

އިތުރަށް ވަހަކަދައްކަމުން އުސައިދު ބުނީ ޓީމަށް މިވަގުތު އެންމެ ބޭނުންވާ އެއްޗަކީ ސަޕޯޓަރުންގެ އެހީތެރިކަމެވެ. ކުޅުންތެރިން ތިބީ އާދަޔާ ޚިލާފު ރޫހެއްގައި، "އަޅުގަނޑުމެން އެދެން ވީހާވެސްގިނަ ސަޕޯޓަރުން މާލެ، ހުޅުމާލެ އަދި ވިލިމާލޭގައި ދިރިއުރޭ ހޯރަފުށީ ހުރިހާ ރައްޔިތުންވެސް މިރޭ 20:00 ގައި ހުޅުމާލޭ ރެހެންދި ފުޓްސަ ދަނޑަށް އައިސް ޓީމަށް ހިތްވަރު ދިނުމަށް އިރާދަކުރެއްވިއްޔާ އަހަރެމެން އެންމެން ގުޅިގެން މިފަހަރު މިކަން ކާމިޔާބުކުރާނަން"

މި މުބާރާތުގައި ހޯރަފުށީ ޓީމުގެ މީޑިއާ ޕާޓްނަރަކަށް ވޮއިސް އެމްވީ ހަމަޖައްސާފައިވާއިރު، އެޓީމުގެ ސްޕޮންސަރުންނަކީ ހޯރަފުށީ ކައުންސިލް، ކަލަރ ލޭންޑް މޯލްޑިވްސް، ޕިއްޒާ ކިޗެން އަދި ކައިކު މޮޓޯސް އެވެ.