ޖުޑީޝަލް ސާވިސް ކޮމިޝަން (ޖޭއެސްސީ) ރާއްޖޭގެ ކޯޓްތަކުގެ ގިނަ އަދައެއްގެ ފަނޑީޔާރުން ތަމްރީނަށް އިންޑީއާއަށް ފޮނުވައިފިއެވެ.

އެގޮތުން މިތަމްރީނު ޕްރޮގްރާމްގައި ބައިވެރިވާ ފަނޑިޔާރުންނާއިއެކު ރޭ ޖޭއެސްސީއިން ވަނީ މިކަމަށް ހާއްސަ ކޮށްގެން ރަސްމިއްޔާތެއް ބާއްވާފައެވެ.

މި ރަސްމިއްޔާތުގައި އިންޑިއާ ހައިކޮމިޝަނުގެ އޮފިޝަލުން އަދި ޖޭއެސްސީގެ މެމްބަރުން ވެސް ބައިވެރި ވެފައިވެއެވެ.

Advertisement

މިއީ މިގޮތަށް ތަމްރީނު ދިނުމުގެ ގޮތުން އިންޑިއާއަށް ރާއްޖޭގެ ފަނޑިޔާރުންގެ ފޮނުވޭ ދެވަނަ ބެޗްއެވެ.

މިދިޔަ އަަހަރުގެ ޑިސެމްބަރު މަހު ޖޭއެސްސީއާއި އިންޑިއާގެ ގައުމީ ޖުޑީޝަރީ އެކަޑެމީން މީގެ ދެ އަހަރު ކުރިން ވެފައިވާ އެއްބަސްވުމުގެ ދަށުން ރާއްޖޭގެ 49 ފަނޑިޔާރުން ފޮނުވާފައިވެއެވެ.

އެއީ އިންޑިއާގެ ޖުޑީޝަރީ އެކަޑެމީގެ މައި ކެމްޕަސް ހުންނަ، އެގައުމުގެ ބޯޕާލަށެވެ.

އިންޑިއާގެ ޖުޑީޝަރީ އެކަޑެމީ އަކީ އެގައުމުގެ ޖުޑީޝަރީ ތަމްރީނުކުރުމުގެ އިތުރުން، މިޔަންމާ އާއި ބަންގްލަދޭޝް ފަދަ ގައުމުތަކަށް ތަމްރީނުތައް ދީ އެހީތެރިކަން ދެމުން ގެންދާ އެކަޑެމީއެކެވެ.