18 ޖެނުއަރީއިން ފެށިގެން ރާއްޖެއަށް 4،439 ޗައިނާގެ ފަތުރުވެރިން އައިސްފައިވާ ކަމަށް މޯލްޑިވްސް އިމިގްރޭޝަންގެ އާންމުކޮށްފައިވާ ތަފާސްހިސާބުތަކުން ދައްކައިފިއެވެ.

ކޮވިޑަށް ފަހު ޗައިނާގެ ބޯޑަރު މިދިޔަ މަހު ހުޅުވާލުމާއިއެކު 18 ޖެނުއަރީގައި ޗައިނާގެ ފަަތުރުވެރިން ވަނީ ރާއްޖެ އަންނަން ފަށާފައެވެ. އެގޮތުން މި ތާރީޙުން ފެށިގެން ޖެނުއަރީ މަހުގެ ނިޔަލަށް 4439 ފަތުރުވެރިން ރާއްޖެ އައިސްފައިވާ ކަމަށް އިމިގްރޭޝަންގެ ތަފާސްހިސާބުތަކުން ދައްކައެވެ.

މިއާއިއެކު މި ތަފާސްހިސާބުތައް ދައްކާ ގޮތުން މިދިޔަ މަހު ޖުމްލަގޮތެއްގައި ރާއްޖެއަށް އައިސްފައިވަނީ 172499 ފަތުރުވެރިންނެވެ.

Advertisement

މީގެ ތެރެއިން މިދިޔަ މަހު އެންމެ ގިނަ ފަތުރުވެރިން އައިސްފައިވަނީ ރަޝިއާއިންނެވެ. އެގޮތުން މިދިޔަ މަހުގެ ނިޔަލަށް ރަޝިޔާއިން ވަނީ 23180 ފަތުރުވެރިން އައިސްފައެވެ.

ދެވަނައަށް އެންމެ ގިނައިން އިންޑިޔާގެ ފަތުރުވެރިން ރާއްޖެ އައިސްފައިވާއިރު ތިން ވަނައަށް އެެންމެ ގިނަ ފަތުރުވެރިން އައިސްފައިވަނީ އިޓަލީއިންނެވެ.

މިޤައިމުތަކުގެ އިތުރުން ދެން އެންމެ ގިނަ ފަތުރު ވެރިން އައިސްފައިވަނީ އިނގެރޭސިވިލާތް، ޖަރުމަން، އެމެރިކާ، ފްރާންސް، ސްވިޒަލޭންޑް އަދި ޕޮލޭންޑް އެވެ.