މިނިސްޓްރީ އޮފް ނޭޝަނަލް ޕްލެނިންގ ހައުސިންގ އެންޑް އިނފްރާސްޓްރަކްޗާ އިން ސަރުކާރުގެ ގެދޮރުވެރިންގެ ޕްރޮޤްރާމްގެ ދަށުން ބިމާއި ފްލެޓް ދޭނެ ފަރާތްތައް ކަނޑައެޅުމަށް ކޮމިޓީއެއް އުފައްދާފިއެވެ.
އެގޮތުން މިިނިސްޓްރީއިން މިައަދު ބުނެފައިވަނީ މި ޕްރޮގްރާމްގެ ދަށުން ހިންގާ "ބިންވެރިޔާ" އަދި "ގެދޮރުވެރިޔާ" ސްކީމަށް ކުރިމަތިލާފައިވާ ފަރާތްތައް އިވެލުއޭޓް ކޮށް، ބިމާއި ފްލެޓް ދޭނެ ފަރާތްތައް ކަނޑާއެޅުމަށްޓަކައި "ގެދޮރުވެރިންގެ ކޮމިޓީ" ގެ ނަމުގައި ކޮމިޓީއެއް ވަނީ އުފައްދާފައި ކަމަށެވެ.
ފަސް މެމްބަރުން ހިމެނޭ މި ކޮމިޓީގެ ފުރަތަމަ ބައްދަލުވުން އިއްޔެ ވަނީ ބާއްވާފައެވެ.
މެމްބަރުންގެ ތެރެއިން ކޮމިޓީގެ ޗެއަރޕާސަންގެ ގޮތުގައި ހުންނެވީ ހައުސިންގ މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީންއެވެ. އަދި ކޯ ޗެއްރޕާސަންގެ މަޤާމުގައި ހުންނެވީ ފިނޭންސް މިނިސްޓްރީގެ ސްޓޭޓް މިނިސްޓަރ އަނަސް އަންދުއްސައްތާރެވެ.
މި ބޭފުޅުންގެ އިތުރުން ކޮމިޓީގައި ތިއްބަވާނީ މއ.އެރިޒޯނާ މަރިޔަމް ނާޒިމާ، ހ. ރެޖީނާ ހައުސް އަލްފާޟިލާ އައިޝަތު ރަޝީދާ، އަދި ހއ.އިހަވަންދޫ ނެދުންގެ އަލްފާޟިލް މުހައްމަދު އާރިފް، އެވެ.
Advertisement
This content is created and paid for by advertisers and does not involve Voice Journalists
