މާފަންނުގައި ހުރި ފިހާރައަކުން 30 އަހަރުގެ ދިވެހި ފިރިހެނަކަށް ތޫނު އެއްޗަކުން ހަމަލާ ދިނުމާއި ގުޅިގެން ހައްޔަރު ކުރި މީހާ 15 ދުވަހަށް ބަންދުކޮށްފި އެވެ.

މިމައްސަލައާއި ގުޅިގެން ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވީ މިމަހުގެ 24 ވަނަ ދުވަހުގެ ރޭ، މާފަންނު ފިހާރައެއްގެ ތެރޭގައި ތޫނު ހަތިޔާރު ބޭނުންކޮށްގެން މީހަކަށް ހަމަލާދިނުމުގައި އަމަލީ ގޮތުން ބައިވެރިވި އެކަކު، ފުލުހުންގެ ތަހުގީގަށް ހޯދުނު ހޯދުމުގެ މައްޗަށް، ކޯޓު އަމުރެެއްގެ ދަށުން ރޭ ދަންވަރު ހައްޔަރުކޮށްފައިވާ ކަމަށެވެ.

މި މައްސަލައާއި ގުޅިގެން ފުލުހުންގެ މީޑިޔާ އޮފިޝަލު ވިދާޅުވީ މި މާރާމާރިއާއި ގުޅިގެން ރޭގެ ވަގުތެއްގައި 20 އަހަރުގެ ދިވެހި ފިރހެނަކު ހައްޔަރު ކޮށްފައިވާ ކަމަަށެވެ.

Advertisement

އަަދި އޭނާގެ ބަންދަށް ކްރިމިނަލް ކޯޓް އިން 15 ދުވަސް މިއަދު ވަނީ ދީފައި ކަމަށެވެ.

މި މައްސަލަ ފުލުހުން ދަނީ ތަހުގީގު ކުރަމުން ކަމަށް ވެސް ބުނެފައިވެއެވެ.

މި މާރާމާރީގައި ޒަހަމްވި ފިރިހެން މީހާ ދަނީ އައިޖީއެމްއެޗްގެ ވެންޓިލޭޓާރުގައި ފަރުވާ ދެމުން ކަމަށް އެ ހޮސްޕިޓަލުން މައުލޫމާތު ދެއެވެ.